នៅមុនពេលនៃការបង្ហាញខ្លួនជាអន្តរជាតិជាលើកទី១០០របស់គេ សម្រាប់ក្រុមបាល់ទាត់ជម្រើសជាតិប្រេស៊ីល ខ្សែប្រយុទ្ធ Neymar បាននិយាយកាលពីថ្ងៃពុធអំពីការប្តេជ្ញាចិត្តរបស់គេសម្រាប់ទាំងប្រទេស និងក្លិបរបស់គេ Paris-Saint Germain។

ក្រុមបាល់ទាត់ជម្រើសជាតិប្រេស៊ីល នឹងត្រូវប៉ះជាមួយនឹងក្រុមជម្រើសជាតិសេណេហ្គាល់ នៅថ្ងៃព្រហស្បតិ៍នេះ ក្នុងការប្រកួតមិត្តភាពមួយនៅសិង្ហបុរី ហើយសហព័ន្ធកីឡាបាល់ទាត់ប្រេស៊ីល បានផ្តល់អាវដ៏ពិសេសមួយឲ្យ Neymar កាលពីថ្ងៃពុធ ដោយមានលេខ១០០នៅខាងក្រោយ ជំនួសឲ្យលេខ១០ របស់គេ។

Neymar ដែលបានព្យាយាមគេចចេញពីទីក្រុងប៉ារីស និងចង់វិលទៅកាន់ក្លិប Barcelona កាលពីរដូវក្តៅនោះ បានឲ្យដឹងថា៖ «ខ្ញុំពិតជារីករាយណាស់ក្នុងក្រុមជម្រើសជាតិ និងជាមួយនឹងក្លិបរបស់ខ្ញុំផងដែរ។ គ្រប់គ្នាដឹងពីអ្វីដែលបានកើតឡើង អំឡុងពេលនៃការបើកទីផ្សារដោះដូរកីឡាករលើកមុនប៉ុន្តែ នៅថ្ងៃនេះ ខ្ញុំរីករាយ នឹងមានអារម្មណ៍ថាមានផាសុខភាពក្នុងក្លិបរបស់ខ្ញុំ»។

ខ្សែប្រយុទ្ធវ័យ២៧ឆ្នាំ​ Neymar JR រូបនេះ ដែលបានជួបបញ្ហារបួសប្រអប់ជើង អំឡុងពេលលេងនៅទីក្រុងប៉ារីសនោះ បានបន្ថែមទៀតថា៖ «រដូវកាលនេះ បានចាប់ផ្តើមយ៉ាងល្អសម្រាប់ខ្ញុំ។ ខ្ញុំនឹងការពារក្លិបរបស់ខ្ញុំ។ ខ្ញុំនឹងលេងឲ្យបាន១០០% ហេតុនេះ ខ្ញុំអាចបង្កើតរឿងដ៏អស្ចារ្យជាមួយគ្នាបាន»៕

សូមចុចលីងនេះដើម្បីឡៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង