កីឡាករ Lionel Messi បានក្លាយជាកីឡាករដំបូងគេដែលរកគ្រាប់បាល់បានសម្រាប់ក្រុមរយៈពេល ១៥រដូវកាលជាប់ៗ គ្នានៃក្របខ័ណ្ឌកំពូលទ្វីបអឺរ៉ុប Champions League ខណៈក្រុមអ្នកមានបុណ្យ Barcelona បានផ្តួលក្រុមម្ចាស់ផ្ទះ Slavia Prague ក្នុងលទ្ធផល ២ទល់និង១។
ប្រធានក្រុម Messi បានរកគ្រាប់បាល់អោយក្រុមភ្ញៀវ នាំមុខមុននៅនាទីទី៣ ក្រោយការបញ្ជូនបាល់របស់កីឡាករ Arthur។ យ៉ាងណាមិញក្រុមមកពីសាធារណៈរដ្ឋឆេកគឺកីឡាករ Jan Boril បានស៊ុតបាល់បញ្ចូលទីបន្ទាប់ពីការបញ្ជូនរបស់ Lukas Masopust ពីចម្ងាយ ១៦ម៉ែត្រ។
Barcelona មានឪកាសវាយបកយកឈ្នះគ្រាប់បាល់ទី២ ក្រោយពីការទាត់បាល់ Free Kick ពីចំងាយរបស់ Messi ខណៈខ្សែការពារ Peter Olayinka ទប់បាល់មិនបានល្អធ្វើអោយ Luis Suarez ដែលកំពុងឈរពីខាងក្រោយមានឪកាសបន្ថែមគ្រាប់បាល់បញ្ចូលទីបានសម្រេច។
Barcelona ដែលកំពុងនាំមុខតារាង La Liga ផងនោះ ពេលនេះទទួលបានជ័យជំនះ ៦ប្រកួតជាប់ៗគ្នាស្របពេលជ័យជំនះ នេះបានធ្វើអោយក្រុមលោក Ernesto Valverde ឈរកំពូលតារាងពូល F ដោយមាន ៧ពិន្ទុសម្រាប់ការប្រកួតជម្រុះក្នុងពូល ៣ប្រកួត និងឈរពីលើក្រុម Inter Milan និង Borussia Dortmund ៣ពិន្ទុ។
សូមចុចលីងនេះដើម្បីឡៃផេកផងអរគុណច្រើន Usportkh CamsportNews Real Madrid C.F Boxing Football Boxing ដឹងគ្រប់យ៉ាង
