ខ្សែប្រយុទ្ធអង់គ្លេស Harry Kane របស់ Tottenham Hotspur នឹងត្រូវអវត្តមានយ៉ាងហោចណាស់ដល់ខែមេសា បន្ទាប់ពីក្លិបបានបញ្ជាក់ថា របួសសរសៃពួររបស់កីឡាករវ័យ ២៦ឆ្នាំរូបនេះត្រូវការវះកាត់។
Harry Kane ពានទទួលរងរបួសនេះអំឡុងការប្រកួតដែល Spurs ចាញ់នៅទឹកដី Southampton ក្នុងថ្ងៃឆ្លងឆ្នាំក្របខណ្ឌ English Premier League។ រដូវកាលនេះ Kane ស៊ុតបញ្ចូលទីបាន ២៧គ្រាប់ក្នុងចំណោមការបង្ហាញខ្លួន ៣១លើកទាំងអោយ Spurs និងក្រុមជំរើសជាតិអង់គ្លេស។ Spurs កំពុងឈរលេខ៦ ក្នុងតារាង English Premier League មាន ៦ពិន្ទុដេញពីក្រោយក្រុមលេខ៤ តោខៀវ Chelsea។
ក្រៅពីអវត្តមានសំរាប់ Spurs នៅ Premier League កីឡាករ Harry Kane នឹងអវត្តមានពេល Spurs ប្រកួតវគ្គ ១៦ក្រុមចុងក្រោយ UEFA Champions League ជួបជាមួយក្រុមកំពូលតារាងនៅអាល្លឺម៉ង់ RB Leipzig ផងដែរ។ បើសិនការវិលត្រលប់ពីរបួសនៅខែមេសាពិតមែន មានន័យថាពីរខែប៉ុណ្ណោះមុនព្រឹត្តិការណ៍បាល់ទាត់ Euro 2020 ចាប់ផ្ដើម៕
អត្ថបទ៖នាង សុភាវុធ