គ្រាប់បាល់ស៊ុតបញ្ចូលទីបានយ៉ាងល្អនៅវគ្គទី២ របស់កីឡាករអេស្ប៉ាញ Juan Mata បានធ្វើឲ្យក្រុមបិសាចក្រហម Manchester United ឈានដល់ការប្រកួត FA Cup ជុំទី៤ ក្រោយយកឈ្នះ Wolverhampton ១–០ បន្ទាប់ពីស្មើជើងទី១ នៅទឹកដី Wolves។
ខ្សែបម្រើសញ្ជាតិអេស្ប៉ាញរូបនេះបានបំបាក់អ្នកចាំទី John Ruddy ដើម្បីរកគ្រាប់បាល់ជ័យជំនះតែមួយគ្រាប់នេះ ក្រោយពីការបញ្ជូនយ៉ាងល្អពី Anthony Martial។
ក្រុមបិសាចក្រហម Manchester United នឹងធ្វើដំណើរទៅ Watford ឬ Tranmere ដែលការប្រកួតជុំទី៣ នៅ Prenton Park ត្រូវបានពន្យារពេលដោយសារតែមានភ្លៀងធ្លាក់ខ្លាំង។ លទ្ធផលមួយប្រកួតទៀតយប់មិញដែលលេងជើងទី២ ដែរនោះ Cardiff យកឈ្នះ ៤–៣ នៅទឹកដី Carlisle៕
