តារាឆ្នើមប្រចាំក្រុមកីឡាករ Cristiano Ronaldo រកបានគ្រាប់ទី១៣ នៅ១០ប្រកួតចុងក្រោយជួយសេះបង្កង់ Juventus យកឈ្នះលើក្រុម Roma ៣ទល់នឹង១ បានឡើងទៅវគ្គពាក់កណ្ដាលផ្ដាច់ព្រ័ត្រ Coppa Italia។
ខ្សែប្រយុទ្ធឆ្នើម Ronaldo ជាអ្នករកគ្រាប់ដំបូងឲ្យសេះបង្កង់ Juventus មុនពេលកីឡាករ Bentancur និងមិត្តរួមក្រុម Bonucci ជាអ្នករកគ្រាប់បន្តបន្ទាប់។ Buffon របស់ Juventus បានភ្លាត់ធ្វើឲ្យចូលទីខ្លួនឯងជាកាដូជូន Roma។ Juventus នឹងត្រូវប៉ះ AC Milan ឬ Torino ក្នុងវគ្គពាក់កណ្ដាលផ្ដាច់ព្រ័ត្រ។
បើគិតត្រឹមឆ្នាំ២០២០ថ្មីៗនេះ Ronaldo រកបាន៧គ្រាប់ហើយ ហើយនេះក៏ជាការរកបានគ្រាប់ដំបូងក្នុងពាន Coppa Italia ផងដែរ។ មានន័យថា ពេលនេះអតីតកីឡាកររបស់ Real Mdrid រូបនេះអាចរកបានគ្រាប់នៅ១៥កម្មវិធីផ្សេងគ្នាជាមួយក្លឹបក្នុងអាជីពរបស់គេ៕