ប្រធានក្រុម Lionel Messi រកបានពីរគ្រាប់(គ្រាប់បាល់ទី៦២៣សម្រាប់ក្លឹប)ជួយ Barcelona បានឈានទៅវគ្គ ១៦ក្រុមចុងក្រោយនៃពានរង្វាន់ Copa del Rey ក្រោយផ្តួល Leganes ក្នុងលទ្ធផល ៥ទល់និង០ នៅកីឡាដ្ឋាន Nou Camp។
ជ័យជំនះនេះជាការប៉ះប៉ូវរឿងខកបំណងរបស់គ្រូបង្វឹក Quique Setien ក្រោយចាញ់ Valencia កាលពីថ្ងៃសៅរ៍សប្តាហ៏មុននៅក្របខណ្ឌ La Liga។ ខ្សែប្រយុទ្ធឆ្នើម Antoine Griezmann និង Clement Lenglet សុទ្ធសឹងរកបានគ្រាប់បាល់អោយក្រុមនាំមុខនៅតង់ទី១ ខណៈ Messi រកគ្រាប់បាល់ទី៣ និងទី៥ ហើយខ្សែបម្រើប្រេស៊ីល Authur រកបានគ្រាប់ទី៤។
Messi បង្កើតកំនត់ត្រាឈ្នះលើកទី៥០០ក្នុងឯកសណ្ឋានអាវ Barcelona ខណៈ Real Madrid, Valencia, Athletic Bilbao, Villarreal, Granada, Real Sociedad និង Mirandes ឈានដល់វគ្គ ៨ក្រុមចុងក្រោយនេះផងដែរ៕
