ក្នុងការប្រកួត Italy Serie A ក្លឹបសេះបង្កង់ Juventus បានយកឈ្នះ SPAL ២-១ នាសប្ដាហ៍ទី២៥ ដើម្បីបន្តកាន់កាប់តំណែងកំពូលតារាង កាលពីថ្ងៃសៅរ៍ ទី២២ ខែកុម្ភះ ឆ្នាំ២០២០ ម្សិលមុិញ ។
ខ្សែប្រយុទ្ធ Cristiano Ronaldo បានបង្ហាញខ្លួនលើកទី១០០០ ក្នុងជំនួបយប់មិញ នៃអាជីពបាល់ទាត់ក្នុងនោះតារាឆ្នើមសញ្ជាតិព័រទុយហ្គាល់រកបាន១គ្រាប់នៅនាទី៣៩ជួយក្រុមឈ្នះការប្រកួត។
កីឡាករ Ramsey ស៊ុតបាន១គ្រាប់ដែរឲ្យ Juventus នៅនាទី៦០ ហើយម្ចាស់ផ្ទះស៊ុតបញ្ចូលទីដោយ Petagna នាទី៦៩ជាការទាត់ប៉េណាល់ទី។ Ronaldo បច្ចុប្បន្នស៊ុតចូលទី៣៦គ្រាប់ក្នុងការបង្ហាញខ្លួន៣៦លើក ទាំងនៅក្លឹបអាជីព នឹងក្រុមជម្រើសជាតិ។
Cristiano Ronaldo បើអាចរកបាន១គ្រាប់ទៀតនៅសប្ដាហ៍ក្រោយទល់នឹងក្រុម Inter Milan កីឡាករជើងស៊ុតវ័យ៣៥ឆ្នាំរូបនេះនឹងបំបែកកំណត់ត្រាស៊ុតជាប់គ្នាយូរជាងគេនៅ Serie A (១២ប្រកួត)៕
សូមទស្សនាវិដេអូរវាងក្រុម Juventus បានយកឈ្នះ SPAL ២-១ ខាងក្រោមនេះ: