ក្នុងការប្រកួតធំ El Clasico ខ្សែប្រយុទ្ធ Cristiano Ronaldo បានបង្ហាញវត្តមានដោយទៅចូលរួមគាំទ្រក្រុមអធិរាជស Real Madrid បានយកឈ្នះ Barcelona ក្នុងលទ្ធផល ២-០ ក្នុងកីឡដ្ឋាន Estadio Santiago Bernabeu។
កីឡាករ Cristiano Ronaldo មានឱកាសបានទៅទស្សនាការប្រកួតរបស់ក្លឹបចាស់ ព្រោះតែការប្រកួតរបស់ Juventus និង Inter Milan នៅក្របខ័ណ្ឌ Serie A នៅសប្ដាហ៍នេះបានផ្អាក ដោយសារក្ដីបារម្ភពីជំងឺកូរ៉េ កំពុងរាតត្បាតនៅអ៊ីតាលី។
ការប្រកួត El Clasico កាលពីយប់មិញ គ្រាប់បាល់ត្រូវរងចាំដល់នាទី៧១ ទើប Vinicius Junior រកគ្រាប់ដំបូងឲ្យ Real Madrid តាមរយៈការអូសទាត់ពីជ្រុងខាងឆ្វេងយ៉ាងល្អ។ ឈានដល់នាទី៩០+២ ទៅហើយ Barca ភ្លាត់ឲ្យ Real រកបានមួយគ្រាប់ទៀតដោយកីឡាករ Mariano Diaz។
ក្រុមអធិរាជស Real Madrid ឡើងទៅឈរកំពូលតារាងលើ Barca វិញដាច់គ្នា១ពិន្ទុ។ ហើយប្រកួតនេះក៏ជាលើកដំបូងសម្រាប់ Ronaldo ត្រលប់មកកាន់ Bernabeu ជាលើកដំបូង ចាប់តាំងចាកចេញពី Real Madrid ឆ្នាំ២០១៨៕