លោក Aleksander Ceferin ប្រធានសហព័ន្ធនៃសមាគមបាល់ទាត់ទ្វីបអឺរ៉ុប UEFA បាននិយាយនៅក្នុងកិច្ចសម្ភាសន៍ជាមួយសារព័ត៌មាន Sky Sports នាពេលថ្មីៗនេះថា ខ្សែ Offside នឹងត្រូវធ្វើការកែទម្រង់នៅ កម្មវិធី UEFA នារដូវកាល២០២០/២១។
លោក Ceferin បាននិយាយថា ៖ ” Offside ១សង់ទីម៉េត្រ មិនមែនជា Offside ទៀតទេ ដោយសារតែវាមិនស្ថិតនៅក្នុងច្បាប់ទៀតទេ ដូច្នេះហើយច្បាប់នេះនឹងធ្វើការបញ្ជាក់ឲ្យច្បាស់លាស់ សម្រាប់ឲ្យ VAR ធ្វើការចាប់កំហុសនៅក្នុងការប្រកួត ” ។
ប្រធាន UEFA រូបនេះបានបន្តថា ៖ ” ការធ្វើខ្សែ Offisde ក្រាស់ជាងមុន ពិតជាសំខាន់ ហើយខ្សែនេះនឹងត្រូវគូរឡើងវិញដោយមានបទដ្ឋានច្បាស់លាស់ តែឥឡូវហ្នឹងវាមិនទាន់ច្បាស់លាស់ទេ ” ។
យ៉ាងណាមិញ ការលើកឡើងនេះមិនទាន់ចូលផ្លូវការតែម្ដងទេ ប៉ុន្តែបើតាមលោកប្រធាន UEFA កិច្ចព្រមព្រៀងលើការបង្កើនខ្សែ Offside កៀកនឹងព្រមព្រៀងមែនទែន ខណៈសមាគមបាល់ទាត់អឺរ៉ុបនឹងរៀបចំមហាសន្និបាទរបស់ខ្លួននៅចុងខែមីនានេះ៕
ប្រភព៖ Sky Sports ប្រែសម្រួល៖ ហ៊ីម រស្មី Credit: Sabay
