ក្លឹប Inter Milan នៅតែព្យាយាមធ្វើការចរចាជាមួយនឹងក្លឹបបិសាចក្រហម Manchester United អំពីការបន្តការខ្ចីជើងខ្សែប្រយុទ្ធស្លាប Alexis Sanchez ប៉ុន្តែប្រធានក្លឹប Inter លោក Guiseppe Marotta បាននិយាយថាវាពិតជាពិបាកខ្លាំងណាស់។
United អាចនឹងនាំយកកីឡាកររូបនេះយកទៅកាន់ទឹកដី Old Trafford នៅសប្តាហ៍នេះហើយ ពីព្រោះតែកុងត្រាខ្ចីជើងរបស់ខ្សែប្រយុទ្ធសញ្ជាតិឈីលីរូបនេះនឹងត្រូវផុតសុពលភាពនៅខែ៧នេះហើយ។
កីឡាករវ័យ៣១ឆ្នាំរូបនេះមិនសូវជាជោគជ័យនៅទឹកដីអុីតាលីប៉ុន្មានទេ ដោយសារតែបញ្ហារបួសសរសៃពួរកាលពីឆ្នាំមុន។
តាំងតែពីផ្ទេរមកកាន់ទឹកដី San Siro កីឡាកររូបនេះទើបតែជាប់ជម្រើស១១នាក់បាន២ដងប៉ុណ្ណោះ ដោយបញ្ជូនបាល់បាន៣ដង និងមិនមានគ្រាប់បាល់។
ទោះបីជាយ៉ាងណា Inter នៅតែចង់រក្សាកីឡាកររូបនេះឱ្យចប់រដូវកាលនៃក្របខណ្ឌ Serie A ហើយបច្ចុប្បន្នពួកគេកំពុងតែពិភាក្សាជាមួយ Man Utd ។
លោក Ole Gunnar Solskjear បាននិយាយថាប្រសិនបើកីឡាកររូបនេះត្រលប់មកកាន់ Man Utd វិញ គាត់នឹងប្រើប្រាស់រូបគេ។
បើតាមសេចក្តីថ្លែងកាលពីថ្ងៃអាទិត្យលោក Marotta បានបញ្ជាក់ថា Inter ចង់ឲ្យ Sanchez នៅ Inter បន្តទៀត។
លោក Morrtta បាននិយាយថា “វាមិនមែនជារឿងងាយស្រួលទេ ក្នុងការដោះស្រាយបញ្ហានេះ តែយ៉ាងណាក្តីពួកយើងតែបន្តនិយាយជាមួយពួកគេ (Manchester United) អំពីរឿងនេះ”។
ប្រភព express
