បរទេស៖ Alexis Sanchez កំពុងស្ថិតក្នុងភាពស្រពេចស្រពិលសម្រាប់ការប្រកួតវគ្គពាក់កណ្តាលផ្តាច់ព្រ័ត្រ Europa League សម្រាប់ក្លិប Inter Milan បន្ទាប់ពីក្លឹបបានបញ្ជាក់ថារូបគេរងរបួសអំឡុងពេលក្លឹបបានផ្តួលក្រុមជើងខ្លាំង Leverkusen អាឡឺម៉ង់២ទល់និង១នៅវគ្គ៨ក្រុមចុងក្រោយកាលពីច័ន្ទទី១១ សីហា ២០២០នេះ យោង តាមការបញ្ជាក់ជាផ្លូវការណ៏នៅលើគណនេយ្យបណ្តាញសង្គម Tweeter របស់ពួកគេ ។
បន្ទាប់ពីចូលលេងក្នុងនាមកីឡាករបម្រុងនៅនាទីទី ៦៤ កីឡាករអន្តរជាតិឈីលីរូបនេះត្រូវបាន ក្រុមគ្រូពេទ្យ ធ្វើ ការព្យាបាលរបួសភ្លៅខាងស្តាំមុននឹងបញ្ចប់ការប្រកួតតង់ទី២។ក្រុមម្ចាស់ជើងឯករង Serie A កំពុងធ្វើការវាយតម្លៃ ពីស្ថានភាពរបួសរបស់អតីតខ្សែបម្រើ Man Utd វ័យ៣១ឆ្នាំរូបនេះមុនពេលការប្រកួតវគ្គ៤ក្រុមចុងក្រោយនិងត្រូវធ្វើឡើងនៅរយៈពេល៧ថ្ងៃបន្ទាប់ទៀតដោយរង់ចាំលទ្ធផលរវាង Shakhtar Donetsk និង Basel នៅថ្ងៃទី១២ ស្អែកនេះ។
ប្រភពពីគេហទំព័រ Transfermarkt បានចុះផ្សាយថាៈ Sanchez បានខកខានការប្រកួតដល់ទៅ ៦៤ លើកក្នុងអំឡុងពេលប្រកបអាជីពកន្លងមកដោយសាតែបញ្ហារបួសដោយក្នុងនោះ ភាគច្រើនទាក់ទងនឹងបញ្ហាជើងនិងកជើង។គួរបញ្ជាក់ថា Sanchez បានចំណាយពេល លេងក្នុងលក្ខណ្ឌខ្ចីជើងពេញមួយរដូវកាលនៅកីឡាដ្ឋាន San Siro មុនពេលផ្ទេរជាអចិន្រ្តៃយ៏ពី Man United មកអ៊ីតាលីកាលពីសប្តាហ៍មុន៕
ប្រភពព័ត៍មាន៖ Goal