អតីតគ្រូបង្វឹក Tottenham លោក Mauricio Pochettino នៅតែបង្ហាញពីភក្តីភាពជាមួយអ្នកគាំទ្រ Tottenham ក្រោយបានដឹកនាំក្លឹបអស់រយៈពេល៥ ឆ្នាំជាមួយការពាក់ឯកសណ្ឋានអាវយឺតយីហោម៉ាក Nike មានសរសេរឈ្មោះអតីតក្លឹបដែលរូបលោកធ្លាប់ដឹកនាំនៅលើអាវនោះផងដែរ ។
អ្នកចាត់ការទូទៅសញ្ជាតិអាហ្សង់ទីនវ័យ៤៨ឆ្នាំ បានបង្ហោះរូបភាពនៅលើបណ្តាញទំនាក់ទំនងសង្គម Instagram ជាមួយកូនប្រុសវ័យ១៩ ឆ្នាំឈ្មោះMaurizio ក្រោយរូបគេបានចុះ ហត្ថ លេខាលើកិច្ចសន្យាថ្មីជាមួយក្លឹប Tottenham ទោះជាយ៉ាងណាក្តីខ្សែបម្រើស្លាបរូបនេះ មិនទាន់បានបង្ហាញខ្លួនក្នុងជម្រើសដំបូងរឺ ឈុតធំអោយក្លឹបនៅឡើយទេ តាំងពីចូលរួមជាមួយយុវជនថ្នាលរបស់ក្លឹបកាលពីឆ្នាំ២០១៧ ។
សម្រាប់លោក Pochettino ត្រូវបានក្លឹបបណ្តេញចេញកាលពីខែវិច្ឆិកា និងជំនួសមកវិញដោយលោក Jose Mourinho ក្រោយចូលរួមជាមួយក្លឹបចាប់តាំងពីឆ្នាំ២០១៤ តែរូបលោក មិនអាចជួយក្លឹបឈ្នះពានរង្វាន់ ដោយបានត្រឹមតែឈានដល់ត្រឹមវគ្គផ្តាច់ព្រ័ត្រនៃពានរង្វាន់ League Cup ឆ្នាំ ២០១៥ និង Champions League នៅឆ្នាំ ២០១៩ ប៉ុណ្ណោះ។
ប្រភព: Talksport
