លោក Pep Guardiola បានច្រានចោលការលើកឡើងថារូបលោកនឹងត្រៀមចរចារដាក់សំណើរ ចុះហត្ថលេខានាំយកខ្សែបម្រើស្លាប Jadon Sancho របស់ក្លិប Manchester City ដើម្បីជំនួស Leroy Sane ដែលនឹងវិលត្រលប់ទៅក្លឹប Bayern Munich នៅពេលបញ្ចប់រដូវកាលនេះ។ កីឡាករក្រុមជម្រើសជាតិអង់គ្លេស Sancho វ័យ ២០ ឆ្នាំរបស់ក្រុម Dortmund ក៏ត្រូវបានក្លឹបគូប្រជែងMan City គឺ Man Utd និង Chelsea ចាប់អារម្មណ៏ចង់បាននាពេលកន្លងមកនឹងនៅពេលទីផ្សារដោះដូរកីឡាករត្រៀមបើក ខណៈដែលក្លឹបនៅក្របខ័ណ្ឌ Premier League ទាំងនេះអាចជាគោលដៅបន្ទាប់របស់រូបគេ។
Man City កំពុងប្រឈមវិបត្តិកីឡាករនៅតំបន់ខ្សែបម្រើ-ស្លាបឆ្វេង បន្ទាប់ពី Sane និងត្រូវផ្លាស់ទៅ Bayern Munich ក្នុងតម្លៃ ៤៩ លានផោនបូករួមផលប្រយោជន៏ផ្សេងទៀតប្រមាណ១១លានផោនបន្ថែម។ គួរបញ្ជាក់ផងដែរថា Sancho គឺជាអតីតកីឡាករក្លឹបMan City ដែលបានចាកចេញពីកីឡដ្ឋាន Etihad កាលពីរដូវក្តៅឆ្នាំ ២០១៧ក្រោយពីមិនបានបង្ហាញខ្លួនសម្រាប់ឈុតធំម្តងណាឡើយ។
អ្នកចាត់ការទូទៅសញ្ជាតិអេស្បាញបានទទួលស្គាល់ផងដែរថារូបលោកនៅមិនទាន់រកឃើញបេក្ខភាពខ្សែការពារកណ្តាលណាមួយ ដើម្បីជំនួសអតីតប្រធានក្រុម Vicent Kompany នៅឡើយ ស្របពេល ប្រធានក្រុមបច្ចុប្បន្ន David Silva និងចាកចេញពីក្លឹបនាពេលបញ្ចប់រដូវកាលនេះស្របពេល Sergeo Aguero និង Fernandinho នៅសល់កិច្ចសន្យា១២ខែទៀតប៉ុណ្ណោះជាមួយក្លឹប។
ប្រភព Goal.com