បរទេស៖ កីឡាករ Jadon Sancho ត្រូវបង្ខំចិត្តដកខ្លួនចេញពីការប្រកួតជម្រុះ World Cup ខែកញ្ញាសម្រាប់អង់គ្លេសដោយ សារតែប ញ្ហា របួស។កីឡាករវ័យ ២១ ឆ្នាំរូបនេះមិនបានចូលលេងការប្រកួតពេលដែលក្រុមតោកំណាចអង់គ្លេសផ្តួលហុងគ្រីក្នុងលទ្ធផល ៤ទល់និង០ ក្រោយពីគ្រូបង្វឹកលោក Gareth Southgateបានពណ៌នាថាSancho មានរបួស។
ទោះយ៉ាងណារបួសពេលនេះនិងធ្វើអោយ អតីតខ្សែ បម្រើ-ប្រយុទ្ធស្លាបក្រុមDortmund បន្ត អវត្តមានក្នុងការប្រកួតទល់នឹងប៉ូឡូញ និង អង់ដូរ៉ានាពេលខាងមុខប៉ុន្តែខ្សែ ប្រយុទ្ធរូបនេះ ត្រូវបានគេរំពឹងថានឹងជាសះស្បើយទាន់ពេលសម្រាប់ការប្រកួតឡើងវិញនៅ Premier League ពេលដែលMan. United ត្រូវជួបជា មួយក្រុមសារិកាព្រៃ Newcastle United នៅថ្ងៃសៅរ៍ទី ១១ ខែកញ្ញាខាងមុខនេះ។ លោក Gareth Southgate បានត្រៀមរៀបចំកីឡាករចំនួន ២៣ នាក់សម្រាប់ការប្រកួតថ្ងៃអាទិត្យជាមួយក្រុម Andorra នៅកីឡដ្ឋាន Wembley។
ថ្វីបើ Sancho ដកខ្លួនចេញប៉ុន្តែលោក Southgate ត្រូវបានរំពឹងថានឹងត្រៀមដាក់អោយ Bukayo Saka, Jesse Lingard និង Patrick Bamford ត្រៀមប្រជែងយកតួនាទីមួយនេះជំនួសSancho ។Sancho ចូលលេងបាន៣ ប្រកួតបើកឆាកក្របខណ្ឌPremier League រដូវកាលនេះប៉ុន្តែនៅឡើយរំពឺងរកគ្រាប់បាល់លើកដំបូងសម្រាប់ក្រុម លោក Ole Gunnar Solskjaerប៉ុណ្ណោះ៕
ប្រភពព័ត៍មាន៖ Sportsmole