លោក Jurgen Klopp បានទទួលស្គាល់ថា Manchester City គឺជាក្រុមតែមួយដែលមានសមត្ថភាពក្នុងការផ្តួលក្រុមរបស់លោក ដែលទើបតែក្លាយជាម្ចាស់ជើងឯកថ្មីនៃក្របខ័ណ្ឌ Premier League ក្រោយពីការប្រកួតលើកទី១របស់ Liverpool បើគិតចាប់តាំងពក្លាយជាម្ចាស់ជើងឯកអង់គ្លេស បានបញ្ចប់ក្នុងលទ្ធផលចាញ់ ៤-០ នាកីឡដ្ឋាន Etihad។
Man City បានបង្ហាញពីសញ្ញានៃមហិច្ឆតារបស់ខ្លួន ក្នុងការប្រជែងដណ្តើមពាននៅរដូវកាលក្រោយ ខណៈដែល Kevin De Bruyne, Raheem Sterling និង Phil Foden សុទ្ធសឹងបានរកគ្រាប់បាល់បញ្ចូលទី នៅមុនពេលបញ្ចប់តង់ទី១ ដើម្បីផ្តល់ការរងបរាជ័យជាលើកទី៣ក្នុងការប្រកួតលីកដល់ក្រុម Liverpool ក្នុងចំណោមការប្រកួត៧១លើក។
ការធ្វើឲ្យបាល់ចូលទីខ្លួនឯងរបស់ខ្សែបម្រើ Alex Oxlade-Chamberlain បានបំពេញរាត្រីដ៏ឈឺចាប់សម្រាប់ក្រុមរបស់លោក Klopp ដែលគួរតែបានរបូតគ្រាប់បាល់ច្រើនជាងគេក្នុងតង់ទី២។ គម្លាតនៅលើកំពូលតារាងរវាងក្រុមទាំង២ នៅតែ២០ពិន្ទុ ប៉ុន្តែ ការប្រជែងរបស់ក្រុម Liverpool ក្នុងការធ្វើឲ្យបានល្អប្រសើរជាងកំណត់ត្រាដែលត្រូវបានបង្កើតឡើងដោយ Man City កាលពី២រដូវកាលមុន បានស្ថិតក្នុងភាពមិនច្បាស់សម្រាប់ក្រុមម្ចាស់ជើងឯកមួយនេះ។
លោក Klopp បានឲ្យដឹងថា៖ «ខ្ញុំចង់ឃើញឥរិយាបថដ៏អស្ចារ្យ ហើយខ្ញុំបានឃើញថា កីឡាករពិតជាខិតខំព្យាយាម។ មិនមានកីឡាកររូបណាបង្ហាញពីការមិនខ្វល់ខ្វាយឡើយ។ យើងមិនមានអារម្មណ៍ល្អឡើយ»៕
វីដេអូៈ highlight
ប្រភពព័ត៌មាន៖ Channel News Asia
