បរទេស៖ Liverpool កំពុងសម្លឹងឃើញបេក្ខភាពខ្សែប្រយុទ្ធឆ្នើម Heung-Min Son ដើម្បីយកមកជំនួសខ្សែប្រយុទ្ធ Sadio Mane ដែលត្រៀមចាកចេញពីទឹកដី Anfield នៅរដូវក្តៅនេះហើយ យោងការចុះផ្សាយរបស់គេហទំព័រ Football.London។ កីឡាករអន្តរជាតិកូរ៉េខាងត្បូងដែលទើបតែឈ្នះពានស្បែកជើងមាស ក្នុងនាមកីឡាករដែលស៊ុតបញ្ចូល ទីច្រើនបំផុតនៅ Premier League ស្មើនិងខ្សែប្រយុទ្ធ Liverpool កីឡាករ Mohamed Salah ពោលគឺរកបាន២៣គ្រាប់ក្នុង១រដូវកាល។
ដូច្នេះហើយទើប Son ត្រូវបាន ក្រុមគ្រូបង្វឹកអាឡឺម៉ង់លោក Jurgen Klopp បង្ហាញការចាប់អារម្មណ៏ ស្របពេលលោក Antonio Conte បានបំពេញកាតព្ចកិច្ចបាន យ៉ាង ល្អសម្រាប់ Tottenham ដោយ បញ្ចប់ រដូវកាលឈរនៅចំណាត់ថ្នាក់លេខ៤ដោយមានកៅអីលេងនៅក្របខណ្ឌ Champion League រដូវកាលថ្មីខណៈ Arsenal និង Man. United ឈរនៅលេខរៀងទី៥ និងទី ៦។
ទោះយ៉ាងណាប្រសិន Spurs មិនមានកៅអីលេងនៅលីកកំពូលអឺរ៉ុប ទេនោះ ពួកគេអាចនឹងបាត់បង់កីឡាករឆ្នើមយ៉ាងហោចណាស់ក៏ម្នាក់ក្នុងរយៈពេលប៉ុន្មានឆ្នាំចុងក្រោយនេះ។ សម្រាប់Son ខ្សែបម្រើស្លាបវ័យ ២៩ ឆ្នាំបច្ចុប្បន្នមានកិច្ចសន្យាជាមួយក្លឹបរហូតដល់ឆ្នាំ២០២៥ ស្របពេលតម្លៃខ្លួននៅលើទីផ្សារបច្ចុប្បន្នរបស់គេបច្ចុប្បន្នគឺមានរហូតដល់ទៅ ៧០ លានអឺរ៉ូ។ ដូច្នេះហើយទើបក្រុមលោក Jurgen Klopp នឹងត្រូវចំណាយប្រាក់មួយផ្នែកនៃការលក់ Sadio Mane ទៅ Bayern Munich ដើម្បីត្រៀមដាក់សំណើរសមរម្យ មួយទៅកាន់Tottenham៕
ប្រភពព័ត៍មាន៖ Besoccer