ក្រុមភ្ញៀវAC Milan បានផ្តួលក្រុមជើងខ្លាំងចំណាត់ថ្នាក់លេខ២គឺម្ចាស់ផ្ទះ Lazio ក្នុងលទ្ធផល៣ទល់និង០កាលពី យប់ថ្ងៃសៅរ៏ទី ៤កក្កដា ២០២០ម្សិលមិញនេះ។លទ្ធផលដ៏ល្អនេះជាការបង្កឪកាសដល់ក្រុមការពារតំណែងជើងឯក Juventus ស្ថិតយ៉ាងប្រកៀកក្នុងការលើកពានក្របខណ្ឌSerieA ជាលើកទី៩ ជាប់ៗគ្នារយៈពេល១ទសវត្សចុងក្រោយនេះ។
៣គ្រាប់របស់AC.Milan រកបានដោយកីឡាករ Hakan Calhanoglu ស៊ុតបាល់ពីចំងាយបញ្ចូលទីបើកឆាកបានយ៉ាងល្អនៅនាទីទី២៣ ខណៈអតីតខ្សែប្រយុទ្ ធMan.Utd និងLA Galaxy កីឡាករ Zlatan Ibrahimovic មានវ័យ ៣៨ ឆ្នាំស៊ុតបាល់ពិន័យ១១ម៉ែត្របានបង្កើនការនាំមុខគ្រាប់បាល់ទី២នៅនាទីទី ៣៤ បន្ទាប់ពីកីឡាករ AC.Milanទាត់បាល់ប៉ះដៃខ្សែការពារLazioខណៈខ្សែប្រយុទ្ធស៊ុយអ៊ែតរូបនេះស្ទើរតែមិនអាចរកគ្រាប់បាល់បានក្រោយអ្នកចាំទី Lazio ដឹងខ្យល់បាល់ហក់ទៅជួយសង្គ្រោះចំគោលដៅតែចាប់មិនបានល្អ ធ្វើអោយបាល់បានរមៀលចូលទីបានសម្រេច ។ គ្រាប់បាល់ទី៣រកបានដោយAnte Rebicក៏មានឪកាសបន្ថែមគ្រាប់បាល់ទី៣នៅនាទីទី៥៩ខណៈ Lazio មិនមានឪកាសវាយបកតបតបាន១គ្រាប់សោះឡើយ។
ក្រោយសល់ ៨ ប្រកួតទៀតនិងបញ្ចប់រដូវកាលក្រុមប្រជែងពាន Lazio នៅតែបន្តឈរលេខរៀងទី២ ក្នុងតារាងគិតត្រឹមសប្តាហ៏ទី៣០ និងមាន ៧ ពិន្ទុតាមពីក្រោយក្រុមលោក Maurizio Sarri តែបានជួយអោយក្រុម ចាប់កៅអីសម្រាប់ការប្រកួតជម្រុះពានរង្វាន់ Europa League នៅរដូវកាលក្រោយផងដែរ។
វីដេអូ៖ Highlight
