ក្រុមហង្សក្រហម Liverpool កំពុងស្ថិតនៅលើផ្លូវមួយយ៉ាងរលូនជាមួយ Bayern Munich លើកិច្ចព្រមព្រៀងចុះហត្ថលេខានាំយកកីឡាករ Thiago Alcantara មកកាន់កីឡាដ្ឋាន Anfield នាពេលបញ្ចប់រដូវកាលខាងមុខនេះ។
កាលពីខែមិថុនា ម្ចាស់ជើងឯកទ្វីបអ៊ឺរ៉ុបChampion League និង Premier League បានកំណត់អត្តសញ្ញាណ កីឡាករអេស្បាញរូបនេះថាជាការចុះហត្ថលេខាដ៏មានសក្តានុពល ខណៈគ្រូបង្វឹកលោក Jurgen Klopp ចង់នាំយកខ្សែបម្រើឆ្នើមរូបនេះមកពង្រឹងតំបន់បម្រើបន្ថែមទៀតស្របពេលសាមីខ្លួនក៏មានចេតនាចង់ ផ្លាស់មកលេងនៅលីកកំពូលអង់គ្លេសផងដែរ ។
Thiago នៅតែដើរតួយ៉ាងសំខាន់នាកីឡាដ្ឋាន Allianz Arena នារដូវកាលនេះដោយបង្ហាញខ្លួនគ្រប់ក្របខណ្ឌប្រកួតសរុបចំនួន ៣៥ ដង ហើយកិច្ចសន្យារបស់កីឡាករវ័យ ២៩ ឆ្នាំរូបនេះនឹងត្រូវផុតកំណត់នៅចុងបញ្ចប់រដូវកាល២០២០-២០២១។
គេហទំព័រ Sport បានចុះផ្សាយថាម្ចាស់ជើងឯកBundesliga ចង់បានតម្លៃខ្លួនអតីតកីឡាក្រុមBarcelonaចំនួន ៣៥លានផោន ពីLiverpoolក្រោយពី Thiago ចូលលេងបាន ២៣០ ប្រកួត ក្រោយចាកចេញពីកីឡាដ្ឋាន Camp Nou ក្នុងឆ្នាំ ២០១៣ ហើយជួយក្លឹបបានឈ្នះពាន Bundesliga ៧សម័យជាប់ៗគ្នារយៈពេល១០ឆ្នាំចុងក្រោយនេះ។
ប្រភព៖ sportsmole
