បរទេស៖ បន្ទាប់ពីបង្កើតកំនត់ត្រាស៊ុតបញ្ចូលទីបាន ៣៤៤ គ្រាប់ក្រោយចូលលេងបាន៣៧៥ប្រកួតរួចមកខ្សែប្រយុទ្ធជើងចាស់ Robert Lewandowski បានចាកចេញពី Bayern Munich ដើម្បីចង់ស្វែងរកការប្រកួតប្រជែងជាមួយក្លឹបថ្មីគឺBarcelona ។ កីឡាករសញ្ជាតិប៉ូឡូញបានឈ្នះពាន Bundesliga ចំនួនប្រាំបី ពានរង្វាន់ DFB-Pokal ចំនួនបី និងពានChampions League ១ដង។ ទោះបីជា ការមកដល់របស់Sadio Mane ប៉ុន្តែក្លឹបជើងឯកអាឡឺម៉ង់នៅតែមានបំណងចង់ពង្រឹងតំបន់ប្រយុទ្ធដោយត្រៀមចុះហត្ថលេខា នាំយកខ្សែ ប្រយុទ្ធជួរមុខថ្មីម្នាក់ទៀតមករួមក្រុម ដើម្បីជំនួសការចាកចេញរបស់ Lewandowski នៅរដូវក្តៅនេះ។
ខាងក្រោមជាកីឡាករទាំង៣រូបដែលBayern Munich អាចពិចារណាចុះហត្ថលេខាមករួមក្រុមៈ
១.Harry Kane
ទោះបីប្រធានក្រុមជម្រើសជាតិអង់គ្លេសបានបង្ហាញទម្រង់លេងដ៏ល្អជាច្រើនឆ្នាំចុងក្រោយជាមួយក្លឹប ប៉ុន្តែអនាគតរបស់Kane នៅមាន ភាពស្រពេចស្រពិលក្រោយពីរូបគេនៅមានកុងត្រាត្រឹមតែ ២ ឆ្នាំទៀតប៉ុណ្ណោះជាមួយTottnham។ Bayern Munich គឺជាក្លឹបដែល បង្ហាញការចាប់អារម្មណ៍កីឡាករវ័យ ២៨ ឆ្នាំ ក្រោយពី នាយកប្រតិបត្តិ Oliver Kahn កាលពីពេលថ្មីៗនេះបានពណ៌នាកីឡាករ Kane ជាខ្សែប្រយុទ្ធកំពូលម្នាក់ ដែលការចុះហត្ថលេខា Kane គឺជាសុបិននៃអនាគតសម្រាប់រយៈពេល២ឆ្នាំចុងក្រោយប្រសិនជារូបគេមិនអាចបន្តកុងត្រាថ្មីនៅទឹកដីLondon Stadium បន្តទៀតបាន។
២.Victor Osimhen
Victor Osimhen ជាខ្សែប្រយុទ្ធអន្តរជាតិនីហ្សេរីយ៉ាវ័យក្មេងដ៏ល្អបំផុតម្នាក់នៅអឺរ៉ុបមានវ័យត្រឹមតែ២៣ឆ្នាំ បន្ទាប់ពីរកគ្រាប់បាល់បានជាប់លាប់សម្រាប់ Lille និង Napoli ក្នុងរយៈពេលបីឆ្នាំចុងក្រោយនេះ។កីឡាករអន្តរជាតិនីហ្សេរីយ៉ាទទួលបានការចាប់អារម្មណ៍ពីក្លឹបធំៗនៅអឺរ៉ុបដែលតម្លៃខ្លួនរបស់គេក៏មិនធម្មតាគឺមិនតិចជាង៨០ លានផោននោះទេ។
៣.Jonathan David
ក្រោយបង្ហាញសមត្ថភាពគួរអោយចាប់អារម្មណ៏ Jonathan David បានផ្ទេរពីក្លឹបGent របស់បែលហ្សិកមកកាន់ Lille ក្នុងឆ្នាំ ២០២០ដោយរកគ្រាប់បាល់បាន៣៧គ្រាប់ក្នុងរយៈពេល២ឆ្នាំចុងក្រោយ។ ទោះបីជាទើបតែមានវ័យ២១ឆ្នាំ ក្នុងរដូវកាលដំបូង David បានដើរតួយ៉ាងសំខាន់សម្រាប់ក្រុមលោក Christophe Galtierដោយជួយអោយពួកគេឈ្នះពានរង្វាន់ Ligue ១។ឈានចូលវ័យ២២ ឆ្នាំDavid មានកំនត់ត្រារកបាន៩គ្រាប់សម្រាប់កាណាដាផងដែរក្នុងព្រឹត្តការណ៏ជម្រុះ World Cup ២០១៨និងបានជួយអោយពួកគេឈានទៅលេងនៅព្រឹត្តិការណ៏ World Cup ជាលើកដំបូងចាប់តាំងពីឆ្នាំ ១៩៨៦៕
ប្រភពព័ត៍មាន៖ Sportsmole