លោក Ole Gunnar Solskjaer បានទទួលស្គាល់ថា ក្រុម Manchester United គឺជាក្រុម «ថ្មីមួយ» បើធៀបទៅនឹងក្រុមដែលបានធ្លាក់ចុះទម្រង់លេងកាលពីដើមរដូវកាលនេះ ក្រោយពីបានបន្តការមិនស្គាល់ចាញ់របស់ខ្លួនរហូតដល់ទៅ១៧ប្រកួត តាមរយៈការដណ្តើមបានជ័យជម្នះក្នុងលទ្ធផល ៣-០ នៅកីឡដ្ឋាន Aston Villa។
Man United បានក្លាយជាក្រុមដំបូងគេក្នុងប្រវត្តិសាស្ត្រនៃក្របខ័ណ្ឌ Premier League ដែលបានឈ្នះការប្រកួត៤លើកជាប់ៗគ្នា ជាមួយនឹងគ្រាប់បាល់ចាប់ពី៣គ្រាប់ឡើងទៅ ខណៈដែលខ្សែប្រយុទ្ធ Mason Greenwood បានបន្តទម្រង់លេងយ៉ាងល្អរបស់ខ្លួន តាមរយៈការស៊ុតបាល់បញ្ចូលទីយ៉ាងល្អមួយផ្សេងទៀត ក្រោយពីការស៊ុតបាល់ប៉េណាល់ដ៏ចម្រូងចម្រាស់របស់ Bruno Fernandes ដើម្បីរកគ្រាប់បាល់បើកឆាក។
បន្ទាប់មក Fernandes បានបញ្ជូនបាល់ទៅឲ្យ Paul Pogba ដែលបានគ្រាប់បាល់បញ្ចូលទីជាលើកដំបូងរបស់ខ្លួន ក្នុងរយៈពេលជាង១ឆ្នាំ ខណៈដែល Man United បានដេញតាមពីក្រោយក្រុមស្ថិតក្នុងចមណាត់ថ្នាក់លេខ៤ត្រឹមតែ១ពិន្ទុគត់។ ទាក់ទងនឹង Pogba លោក Solskjaer បានឲ្យដឹងថា៖ «រូបគេគឺជាមនុស្សដ៏អស្ចារ្យ ជាកីឡាករដ៏ឆ្នើម និងជាខ្សែបម្រើម្នាក់ក្នុងចំណោមខ្សែបម្រើដ៏មានឥទ្ធិពលបំផុតក្នុងពិភពលោក។ រូបគេកំពុងតែលេងកាន់តែល្អប្រសើរ ពីព្រោះរូបគេបានអវត្តមានជាយូរមកហើយ»៕
ប្រភពព័ត៌មាន៖ Channel News Asia