មានតែ Lionel Messi និង Cristiano Ronaldo តែប៉ុណ្ណោះដែលមានទម្រង់លេងកំរិតខ្ពស់ និងល្អជាង ខ្សែប្រយុទ្ធ Raheem Sterling របស់ក្រុម Manchester City នៅក្នុងពិភពបាល់ទាត់នាពេលបច្ចុប្បន្ន។ពាក្យសម្តីនេះជាការយល់ឃើញនិង លើកឡើងរបស់អតីតមិត្តរួមក្រុមជម្រើសជាតិអង់គ្លេស Joleon Lescott បានប្រាប់គេហទំព័រផ្លូវការណ៏របស់ក្លឹបយ៉ាងដូច្នេះ ។
បើទោះបីជាកីឡាករខ្សែប្រយុទ្ធស្លាបវ័យ ២៥ ឆ្នាំរូបនេះ មិនអាចជួយក្រុមរបស់លោក Pep Guardiola ក្នុងការឈ្នះពាន Premier League ជាលើកទី ៣ បានក៏ពិតមែន ប៉ុន្តជាក់ស្តែងរូបគេរីករាយនឹងយុទ្ធនាការប្រកួតដ៏អស្ចារ្យនៅរដូវកាលនេះដោយរកបាន ១៤ គ្រាប់និង Assist ៣ គ្រាប់ក្នុងការប្រកួតក្របខណ្ឌលីកកំពូលអង់គ្លេសចំនួន ២៩ ដងនៅរដូវកាលនេះ។
ការបង្ហាញទម្រង់លេងដោយរកគ្រាប់បាល់ចុងក្រោយតាមរយៈការស៊ុតបញ្ចូលទីក្រុមភ្ញៀវ Newcastle ក្នុងលទ្ធផលដ៏លើសលប់ ៥ទល់និង០ កាលពីថ្ងៃពុធនាំអោយអតីតខ្សែការពារកណ្តាលក្លឹប Man City រូបនេះបញ្ជាក់ប្រាប់ថាៈគាត់បានឈានដល់កម្រិតកំពូលមួយ ហើយមិនត្រឹមតែ អាចរកគ្រាប់បាល់ដោយខ្លួនឯងនោះទេ គាត់អាចបង្កើតឪកាសចែកបាល់ អោយមិត្តរួមក្រុមស៊ុតបញ្ចូលទី និង បង្កព្យុះភ្លៀងសម្រាប់ការប្រកួតផងដែរ។
ប្រភព៖ Goal.com