លោក Jose Mourinho ពេញចិត្តនិងរីករាយចំពោះទម្រង់លេងកូនក្រុមរបស់ខ្លួន ដែលអាចសម្រប ទៅនឹងយុទ្ធសាស្ត្ររបស់លោក ក្រោយនាំមកនូវភាពជោគជ័យក្នុងការប្រកួតវាយបកយ៉ាងលំបាកដើម្បីដណ្តើមជ័យជំនះក្នុងលទ្ធផល ២ទល់និង១ លើក្លឹបរួមទីក្រុងឡុងដ៏គឺកាំភ្លើងធំ Arsenal កាលពីយប់ថ្ងៃអាទិត្យម្សិលមិញនេះ។
ក្រោយចូលមកដឹកនាំក្លឹបជាលើកដំបូងចាប់តាំងពី ខែវិច្ឆិកាជំនួសអតីតគ្រូបង្វឹក Mauricio Pochettino កាលពីឆ្នាំមុនអតីតគ្រូបង្វឹក Man Utd និង Chelsea បានដឹកនាំក្រុមទទួលបាន ៣ ពិន្ទុដ៏សំខាន់នៅសប្តាហ៏ទី៣៥ ដែលធ្វើឲ្យ ពួកគេមានលំដាប់ពិន្ទុកើនលើ Arsenal ចំនួន២ពិន្ទុ និងឈរនៅចំណាត់ថ្នាក់លេខ៨ ។
អ្នកចាត់ការសញ្ជាតិព័រទុយហ្គាល់រូបនេះបានជ្រើសយកទម្រង់លេង ៤-៤-២ មកដឹកនាំការប្រកួតលើកនេះក៏សម្តែងការជឿជាក់ផងដែរថាក្រុម Tottenham ត្រៀមលក្ខណៈសម្បត្តិគ្រប់គ្រាន់សម្រាប់ការប្រកួត Europa League នៅរដូវកាលក្រោយ។ អ្នកចាត់ការទូទៅវ័យ៥៧ បានប្រាប់ទូរទស្សន៍ Sky Sports ថាៈ ខ្ញុំគិតថាការប្រកួតនេះមានលក្ខណៈបច្ចេកទេសនិងប្រើប្រាស់សមត្ថិភាពច្រើនបំផុត និយាយដោយស្មោះត្រង់ខ្ញុំគិតថាគូបដិបក្សលោក Mikel Arteta បានប្រើប្រាស់វិធីសាស្រ្ត លេងយ៉ាងមានស្ថេរភាពនិងប្រសើរឡើង ដែលជាមូលហេតុធ្វើអោយយើងមានការលំបាកក្នុងការទទួលយកជ័យជំនះតែយើងធ្វើបានល្អក្នុងការប្រកួតនេះ។
ប្រភព៖ sportsmole
