បរទេស៖ លោក Jose Mourinho បាននិយាយថា រូបលោក និងក្រុម Roma បានបង្កើតប្រវត្តិសាស្ត្រ ក្រោយពីបានឈ្នះពានក្របខ័ណ្ឌ Europa Conference League កាលពីថ្ងៃពុធ ដែលជាពានក្របខ័ណ្ឌអឺរ៉ុបដំបូងគេរបស់ក្លិបនេះ។
លោក Mourinho សញ្ជាតិព័រទុយហ្គាល់ បានព្យាយាម ប៉ុន្តែ មិនអាចទប់ទឹកភ្នែកបានឡើយ ក្រោយពីក្រុម Roma បានផ្តួលក្រុម Feyenoord ក្នុងការប្រកួតពានប្រចាំទ្វីបវគ្គផ្តាច់ព្រ័ត្រជាលើកដំបូងរបស់ពួកគេ ក្នុងរយៈពេល៣ទសវត្សរ៍ ហើយគ្រូបង្វឹករូបនេះ នៅតែមានការរំជួលចិត្ត នៅពេលដែលលោកសាទរដល់ក្រុមរបស់លោក បន្ទាប់ពីកម្មវិធីប្រគល់ពានរង្វាន់។ អ្នកគាំទ្រជាច្រើនរបស់ Roma បានយកលោក Mourinho ជាតារាក្នុងដួងចិត្តរបស់ពួកគេ អំឡុងពេលនៃការជួបរដូវកាលឡើង និងចុះ មុននឹងពួកគេដណ្តើមបានជ័យជម្នះក្នងលទ្ធផល ១-០ ក្នុងទីក្រុង Tirana ដើម្បីបញ្ចប់ការមិនស្គាល់ឈ្នះពានសោះត្រឹមរយៈពេល១៤ឆ្នាំ សម្រាប់ក្លិបមួយនេះ។
លោក Mourinho បានប្រាប់ទូរទស្សន៍ Sky Sports ថា៖ «ខ្ញុំបាននៅជាមួយនឹង Roma អស់រយៈពេល១១ខែមកហើយ។ ខ្ញុំបានដឹងថា នៅពេលដែលខ្ញុំបានមកដល់ វាមានន័យយ៉ាងណាចំពោះអ្នកគាំទ្រ។ ពួកគេបានរង់ចាំសមិទ្ធផលបែបនេះជាយូរមកហើយ។ នេះមិនមែនជាការនៅរាត្រីនេះឡើយ ប៉ុន្តែ នេះគឺជាប្រវត្តិសាស្ត្រ។ យើងត្រូវតែសរសេរប្រវត្តិសាស្ត្រ។ យើងបានសរសេរប្រវត្តិសាស្ត្រនោះហើយ»៕
ប្រភពព័ត៌មាន៖ Channel News Asia