បរទេស៖ លោក Jose Mourinho បាននិយាយថា ក្រុម Roma របស់លោក «បានបាក់ស្មារតី» ក្រោយពីបានរបូតគ្រាប់បាល់ចំនួន៣គ្រាប់ក្នុងចន្លោះពេលត្រឹមតែ៧នាទី ខណៈដែលក្រុម Juventus បានធ្វើការវាយបដ៏មិននឹកស្មានដល់ដើម្បីយកឈ្នះក្នុងលទ្ធផល ៤-៣ កាលពីថ្ងៃអាទិត្យ។
ក្រុម Roma បានធ្វើការនាំមុខដល់ទៅ ៣-១ ស្របពេលនៅសល់រយៈពេល២០នាទីទៀត នៅមុនពេលក្រុម Juventus បានបំពេញការវាយបករបស់ខ្លួនវិញ។ ស្របពេលជាមួយគ្នានេះ ការស៊ុតបាល់ប៉េណាល់ទីរបស់កីឡាករ Lorenzo Pellegrini នៃក្រុម Roma ក៏ត្រូវបានជួយសង្រោះដោយអ្នកចាំទី Wojciech Szczesny ផងដែរ ក្រោយពី Matthijs de Ligt បានរងពិន័យកាតលឿងជាលើកទី២ សម្រាប់ការធ្វើឲ្យបាល់ប៉ះដៃ។ លោក Mourinho បានប្រាប់បណ្តាញសារព័ត៌មាន DAZN ថា៖ «យើងធ្វើបានយ៉ាងល្អក្នុងរយៈពេល៧០នាទី ប៉ុន្តែ បន្ទាប់មកពី យើងបានបាក់ស្មារតី។ នៅពេលដែលអ្នកកំពុងមានបញ្ហា អ្នកត្រូវបានគេគិតថា នឹងងើបឡើងវិញនិងបង្ហាញពីសមត្ថភាពរបស់អ្នក ប៉ុន្តែ មានកីឡាករមួយចំនួនក្នុងក្រុមនេះ មានភាពខ្សោយពេក និងខ្លាំងពេក»។
គ្រាប់បាល់ស៊ុតបញ្ចូលទីក្នុងចន្លោះពេលដ៏ខ្លីពីកីឡាករ Manuel Locatelli, Dejan Kulusevski និង Mattia De Sciglio បានធ្វើឲ្យអ្នកគាំទ្រនៅកីឡដ្ឋាន Stadio Olimpico មានភាពស្រឡាំងកាំងតែម្តង៕
ប្រភពព័ត៌មាន៖ BBC
