លោក Zinedine Zidane គ្រូបង្វឹកក្រុមអធិរាជស Real Madrid បាននិយាយថាក្រុមរបស់លោកកំពុងឈានទៅរកការប្រឈមនៅសប្តាហ៍ដ៏លំបាកបំផុត ស្របពេលការប្រកួតក្របខណ្ឌ La Ligaនៅសល់ចំនួន៣ដងទៀតក្នុងរយៈពេល ៦ ថ្ងៃ ហើយការប្រកួតដ៏សំខាន់ពីរខាងមុខជាការសម្រេចពីលទ្ធផលលើកពានក្របខណ្ឌ LaLiga រដូវកាល ២០១៩-២០២០នេះផងដែរ។
/cdn.vox-cdn.com/uploads/chorus_image/image/67046911/1226223188.jpg.0.jpg)
គ្រូបង្វឹកសញ្ជាតិបារាំងរូបនេះបានថ្លែងប្រាប់បណ្តាញសារពត៌មានយ៉ាងដូច្នេះមុនជំនួបជាមួយ Granada នៅយប់ថ្ងៃទី១៣ និងបន្តជួប Villarealនៅថ្ងៃទី១៦ ថាៈ យើងនិងមានបញ្ហាស្ត្រេសច្រើនរួមជាមួយនិងភាពតានតឹងទេតែវាជាកាតព្វកិច្ច និង ជាការប្រកួតប្រជែងហើយនោះជាអ្វីដែលជំរុញ និង ជួយលើកទឹកចិត្តយើងឱ្យឈ្នះការប្រកួត។ សម្រាប់ Eden Hazard យើងនឹងមើលពីស្ថានភាពរបស់គាត់នៅថ្ងៃនេះ ហើយរឿងសំខាន់បំផុតគឺយើងត្រូវគិតពីកីឡាករដេលអាចចូលលេងបាន។
គ្រូបង្វឹកវ័យ៤៨ឆ្នាំរូបនេះក៏បានធ្វើការវាយតម្លៃខ្ពស់ពីសមត្ថភាពរបស់អ្នកចាំទី Thibaut Courtois ដែលបានបង្ហាញទម្រង់លេងល្អ និងធ្វើបាន Cleansheet (មិនមានរបូតគ្រាប់បាល់)រហូត៥ប្រកួតចុង ក្រោយជាប់គ្នាផងដែរ។
ប្រភព៖ Sport.es
