ការជាប់ពិន័យព្យួររយៈពេល២ឆ្នាំរបស់ក្លិប Manchester City ពីក្របខ័ណ្ឌអឺរ៉ុប ត្រូវបានលុបចោលវិញ ដោយតុលាការអាជ្ញាកណ្តាលសម្រាប់កីឡា (CAS) កាលពីថ្ងៃចន្ទ ដើម្បីអនុញ្ញាតឲ្យក្លិបនេះ ប្រកួតក្នុងក្របខ័ណ្ឌ Champions League នៅរដូវកាលក្រោយ។
CAS បានចេញសេចក្តីសម្រេចថា Man City មិនបានប្រព្រឹត្តល្មើសនឹងច្បាប់នៃការប្រកួតប្រជែងផ្នែកហិរញ្ញវត្ថុដោយយុត្តិធម៌ តាមរយៈការលាក់បាំងមូលនិធិសមធម៌ តាមរយៈការប្រើប្រាស់រូបភាពជាការឧបត្ថម្ភឡើយ។
តុលាការជាន់ខ្ពស់បំផុតរបស់កីឡា ក៏បានកាត់ប្រាក់ពិន័យចំពោះការមិនចូលរួមសហការជាមួយនឹងសហព័ន្ធកីឡាបាល់ទាត់ទ្វីបអឺរ៉ុប ពី៣០លានអឺរ៉ូ មកនៅត្រឹម១០លានអឺរ៉ូ (ស្មើនឹង១១,៣០លានដុល្លារអាមេរិក) ផងដែរ។
CAS បានឲ្យដឹងក្នុងសេចក្តីថ្លែងការណ៍ថា៖ «ការចោទប្រកាន់ភាគច្រើន ដែលធ្វលើឡើងដោយ សភាវិនិច្ឆ័យនៃអង្គភាពគ្រប់គ្រងហិរញ្ញវត្ថុរបស់សហព័ន្ធកីឡាបាល់ទាត់ទ្វីបអឺរ៉ុប (UEFA) មិនមានភស្តុតាងច្បាស់លាស់ ឬមិនឆ្លើយតបទៅតាមពេលវេលាឡើយ»។
អង្គភាពគ្រប់គ្រងកីឡាបាល់ទាត់ទ្វីបអឺរ៉ុប បានចេញសេចក្តីសម្រេចកាលពីខែកុម្ភៈថា Man City បានប្រព្រឹត្តល្មើសនឹងច្បាប់ប្រកួតប្រជែងផ្នែកហិរញ្ញវត្ថុដោយយុត្តិធម៌យ៉ាងធ្ងន់ធ្ងរ និងមិនចូលរួមសហការជាមួយនឹងការស៊ើបអង្កេតរបស់ខ្លួន។ ការអវត្តមានក្នុងក្របខ័ណ្ឌ Champions League នឹងធ្វើឲ្យក្រុម Man City ដែលបានបដិសេធថា ខ្លួនមិនបានធ្វើខុសនោះ ខាតបង់ប្រាក់ដល់ទៅ១០០លានផោន (ស្មើនឹង១២៦,០២លានដុល្លារអាមេរិក)៕
ប្រភពព័ត៌មាន៖ Channel News Asia