បរទេស៖ ខ្សែប្រយុទ្ធ Erling Haaland បានចាប់ផ្តើមអាជីពរបស់គេនៅក្លិប Manchester City តាមរយៈការស៊ុតបាល់បញ្ចូលទី១គ្រាប់ នៅពេលដែលក្រុមរបស់លោក Pep Guardiola បានផ្តួលក្រុម Bayern Munich ក្នុងលទ្ធផល ១-០ លើក្រុម Bayern Munich ក្នុងការប្រកួតមិត្តភាពដ៏រំភើបនៅកីឡដ្ឋាន Lambeau Field ក្នុងរដ្ឋ Wisconsin សហរដ្ឋអាមេរិក កាលពីថ្ងៃសៅរ៍ (ព្រឹកថ្ងៃអាទិត្យ នៅកម្ពុជា)។
ការពន្យារពេលរយៈពេល២ថ្ងៃ ដោយសារតែបញ្ហាផ្លេកបន្ទរក្នុងតំបន់ ដែលបានកើតឡើង១លើកនៅមុនពេលចាប់ផ្តើមប្រកួត និងមួយលើកទៀតនៅតង់ទី១ បានធ្វើការប្រកួតត្រូវបានកាត់បន្ថយត្រឹមតែ៨០នាទីប៉ុណ្ណោះ។ ប៉ុន្តែ ពេលវេលានេះគឺគ្រប់គ្រាន់សម្រាប់ Haaland ដែលក្លិប Man City បានទិញក្នុងតម្លៃខ្លួន៦១លានដុល្លារអាមេរិក ក្នុងការបង្កើតឲ្យមានការចាប់អារម្មណ៍ នៅថ្ងៃនៃការបង្ហាញខ្លួនជាលើកដំបូងរបស់គេ ក្រោយពីលោក Guardiola បានប្រកាសថា បញ្ហាមិនទាន់ស៊ាំនឹងបរិយាកាសជុំវិញ បានធ្វើឲ្យរូបគេអវត្តមានក្នុងពេលក្រុម Man City បានយកឈ្នះលើក្រុម Club America របស់ម៉ិកស៊ិក ក្នុងលទ្ធផល ២-១ ក្នុងទីក្រុង Houston កាលពីថ្ងៃពុធ។
ក្លិបទាំង២ បានធ្វើដំណើរវិលត្រឡប់ផ្ទះរបស់ខ្លួនវិញ បន្ទាប់ពីការប្រកួតនេះ ខណៈដែល Man City នឹងត្រូវប៉ះជាមួយនឹងក្រុម Liverpool ក្នុងការប្រកួតដណ្តើមពាន Community Shield នាថ្ងៃសៅរ៍ ចុងសប្តាហ៍នេះ ហើយក្រុម Bayern ប្រកួតជាមួយនឹងក្រុម RB Leipzig ក្នុងពាន SuperCup៕
ប្រភពព័ត៌មាន៖ Channel News Asia