(អង់គ្លេស) លោក Mikel Arteta គឺជាសមាជិកម្នាក់ក្នុងចំណោមអ្នកចាត់ការទូទៅថ្មីម្នាក់ ហើយអាចនឹងប្រែក្លាយក្រុម Arsenal ឲ្យក្លាយទៅជាជើងខ្លាំងដណ្តើមពានវិញ។
នេះបើយោងទៅតាមការបញ្ជាក់របស់លោក Jurgen Klopp គ្រូបង្វឹករបស់ក្រុម Liverpool នៅមុនពេលក្រុមទាំង២ជួបគ្នាក្នុងក្របខ័ណ្ឌ Premier League នៅរាត្រីនេះ។
ក្រុមម្ចាស់ជើងឯករបស់លោក Klopp នឹងធ្វើដំណើរទៅកាន់ទីក្រុងឡុងដ៍ភាគខាងជើង នៅរាត្រីនេះ ដោយសម្លឹងរកការរក្សាក្តីសង្ឃឹមនៃការរកឲ្យបានច្រើនជាង១០០ពិន្ទុ ស្របពេលដែលក្រុម Arsenal កំពុងតែស្ថិតក្នុងចំណាត់ថ្នាក់លេខ៩ នៅលើតារាង។
ប៉ុន្តែ លោក Klopp បានបញ្ជាក់ថា លោក Arteta ដែលបានចាកចេញពីតួនាទីក្នុងនាមជាបុរសដៃស្តាំរសប់លោក Pep Guardiola នៅក្លិប Manchester City កាលពីខែធ្នូ ដើម្បីវិលទៅកាន់អតីតក្លិបរបស់ខ្លួនវិញក្នុងនាមជាអ្នកចាត់ការទូទៅនោះ គឺជាគ្រូបង្វឹកដែលអាចដឹកនាំឲ្យ Arsenal វិលទៅរកភាពខ្លាំងវិញ។
លោក Klopp បានប្រាប់សន្និសីទសារព័ត៌មានកាលពីថ្ងៃអង្គារថា៖ «Mikel គឺជាសមាជិកម្នាក់ក្នុងចំណោមជំនាន់អ្នកចាត់ការទូទៅថ្មីដែលផ្តល់នូវភាពរំភើប។ ខ្ញុំពិតជារំភើបក្នុងការទស្សនាការប្រកួត។ អ្នកមើលឃើញពីមតិយោបល់ផ្សេងៗ ដែលធ្វើឲ្យមានឥទ្ធិពលដោយលោក Pep»។
នៅពេលដែលត្រូវបានចោទសួរថា Arsenal អាចនឹងក្លាយជាគូប្រជែងដណ្តើមពានដ៏ខ្លាំងនារដូវកាលក្រោយបានទេ គ្រូបង្វឹកសញ្ជាតិហូឡង់រូបនេះបានឲ្យដឹងថា៖ «Mikel មានគំនិតដូចគ្នា នៅពេលដែលរូបគេស្ថិតជាកីឡាករ។ Arsenal គឺជាក្រុមដ៏អស្ចារ្យមួយ។ ពិតណាស់ រូបគេនឹងខ្លាំង។ អ្នកអាចមើលឃើញពីឥទ្ធិពលដ៏ធំពីលោក Guardiola។ ក្រុមដ៏អស្ចារ្យជាមួយនឹងកីឡាករប្រកបដោយបទពិសោធ»៕
ប្រភពព័ត៌មាន៖ Channel News Asia
