អង់គ្លេស៖ លោក Jose Mourinho បានកោតសរសើរចំពោះសមត្ថភាពខ្សែប្រយុទ្ធឆ្នើម Harry Kane បន្ទាប់ពីខ្សែប្រយុទ្ធក្រុមមាន់ខ្នាយមាស Tottenham រូបនេះតែតបាល់បញ្ចូលទចំនួន២គ្រាប់ នៅក្នុងជ័យជម្នះវាយបកផ្តួលក្រុមម្ចាស់ផ្ទះសារិកាព្រៃ Newcastle ៣ទល់និង១ កាលពីយប់ថ្ងៃពុធ ។
ខ្សែប្រយុទ្ធក្រុមជម្រើសជាតិអង់គ្លេស វ័យ២៦ ឆ្នាំរូបនេះទទួលបានគ្រាប់បាល់សរុប ២០១ គ្រាប់ក្នុង ៣៥០ប្រកួតអោយក្រុមមានមូលដ្ឋាននៅទីក្រុងឡុងដ៏មួយនេះ។8 អ្នកចាត់ការសញ្ជាតិព័រទុយហ្គាល់លោក Mourinho បានផ្តល់បទសម្ភាសន៏ក្រោយការប្រកួតថា៖ Harry Kane ដឹងខ្លួនឯងថាគាត់សំខាន់ប៉ុណ្ណាសម្រាប់ក្រុម គាត់ពិតជាមានសមត្ថភាពមិនគួរឱ្យជឿ។ បន្ទាប់ពីការជាសះស្បើយ ពីរបួសដ៏រាំរៃ ការប្រកួតនេះគឺជាការប្រកួតលើកទីបួនរវាងចន្លោះ២ថ្ងៃម្តង ហើយគាត់ធ្វើបានល្អបំផុត ។
ជ័យជម្នះនេះបានធ្វើឱ្យ Spurs ឡើងមកឈរនៅលេខរៀងទី ៧ និងបង្កើនក្តីសង្ឃឹមក្នុងវគ្គជម្រុះ Europa League របស់ពួកគេ។វាក៏ជាលើកទីមួយផងដែរដែលលោក Mourinho បានឈ្នះការ ប្រកួត ក្របខ័ណ្ឌ Premier League នៅ St James Park ក្នុងការប្រកួត ៨លើកចុងក្រោយ ក្នុងនាម គ្រូបង្វឹកដឹកនាំក្រុមនៅក្របខណ្ឌ Premier League ។
ប្រភព៖ BBC