អង់គ្លេស៖ លោក Pep Guardiola គ្រូបង្វឹកក្រុមមេឃខៀវ Manchester City បាននិយាយថាលោកមិនអាច បញ្ចុះបញ្ចូលកីឡាករសំណព្វចិត្ត David Silva ឲ្យបន្តលេងអោយក្លឹបបានទៀតទេ បន្ទាប់ ពី តារាឆ្នើម សញ្ជាតិអេស្ប៉ាញរូបនេះជួយក្លឹបវាយបកផ្តួល Bournemouth ក្នុងលទ្ធផល ២ទល់និង១កាលពីយប់ថ្ងៃពុធ ។
កីឡាករមានជំនាញជើងឆ្វេងវ័យ ៣៤ ឆ្នាំរូបនេះបានចំណាយ ពេល១០ ឆ្នាំនៅកីឡាដ្ឋាន Etihad Stadium និងត្រៀមចាកចេញពីក្លឹបនៅចុងបញ្ចប់នៃរដូវកាល២០១៩-២០២០នេះ។ Silva ធ្លាប់ឈ្នះពាន Premier League ចំនួនបួនដងជាមួយ Man City ក្រោយផ្ទេរពីក្រុម Valencia ក្នុងឆ្នាំ ២០១០ បានស៊ុតបាល់ពិន័យ Free-kick យ៉ាងល្អ និងបានបង្កើតឪកាសអោយខ្សែប្រយុទ្ធរួមក្រុមកីឡាករ Gabriel Jesus រកបានគ្រាប់បាល់ជ័យជំនះក្នុងការប្រកួតសប្តា៏ហ៏ទី៣៦នេះ ។
អ្នកចាត់ការសញ្ជាតិអេស្បាញលោក Guardiola បាន ប្រាប់បណ្តាញសារពត៌មានក្រោយចប់ការប្រកួតថាៈគាត់សំរេចចិត្តចាកចេញក្រោយលើករឿងនេះមកនិយាយជាច្រើនដង។ ខ្ញុំគិតថាគាត់ចង់បញ្ចប់ពេលវេលាលេងអោយក្រុមមបន្ទាប់ពីចំណាយពេល១០រដូវកាល នៅទីនេះ ។ ទោះយ៉ាងណាអតីតគ្រូបង្វឹក Barcelona និង Bayern Munich រូបនេះបន្តពោលសរសើរ Silva មិនដាច់ពីមាត់ថាៈគាត់មាន ទម្រង់លេងដ៏អស្ចារ្យមិនគួរឱ្យជឿចាប់តាំងពីក្របខណ្ឌ Premier League ត្រលប់មកវិញបន្ទាប់ពីផ្អាកដោយសារមេរោគកូវីត-១៩ ។ជាមួយការប្រកួតដ៏ជក់ចិត្ត ហើយបានស៊ុតបាល់បញ្ចូលទីម្តងទៀត សង្ឃឹមថាគាត់និងទទួលបានការប្រកួតលាគ្នា (farewell) ដេលជាការផ្តល់កិត្តិយសសម្រាប់ឆ្នាំចុងក្រោយនៃអាជីពរបស់គាត់ទៅចុះ។
ប្រភព៖ BBC
