អង់គ្លេស៖ លោក Frank Lampard អ្នកចាត់ការទូទៅរបស់ក្រុម Chelsea បានក្រើនរំឭកថា ក្រុមរបស់លោកនឹងត្រូវតែបង្កើតជំហានអភិវឌ្ឍជាច្រើន ដើម្បីប្រជែងជាមួយនឹងក្រុម Liverpool ដើម្បីដណ្តើមពានក្របខ័ណ្ឌ Premier League នៅឆ្នាំក្រោយ បើទោះបីបានបង្ហាញពីភាពមមាញឹកដ៏គួរឲ្យកត់សម្គាល់ក្នុងទីផ្សារដោះដូរកីឡាករក៏ដោយ។ ក្រុមរបស់លោក Lampard នឹងត្រូវធ្វើដំណើរទៅកាន់ទឹកដីក្រុមរបស់ក្រុមម្ចាស់ជើងឯកមួយនេះ នៅរាត្រីនេះ ក្រោយសង្ឃឹមថា អាចដណ្តើមបានជ័យជម្នះដែលពួកគេត្រូវការដើម្បីឈ្នះកៅអីទៅកាន់ក្របខ័ណ្ឌ Champions League នារដូវកាលក្រោយ។ ទម្រង់លេងរបស់ក្រុម Liverpool បានធ្លាក់ចុះ ចាប់តាំងពីបានឈ្នះពានជាលើកទី១របស់ ពួកគេ ក្នុងរយៈពេល៣០ឆ្នាំ កាលពីខែមុន ប៉ុន្តែ ក្រុមរបស់លោក Jurgen Klopp នៅតែនាំមុខ៣០ពិន្ទុដាច់លើក្រុម Chelsea។
នៅពេលដែលត្រូវបានចោទសួរថា តើក្រុមរបស់លោកមានគម្លាតឆ្ងាយពីកម្រិតស្តង់ដារដ៏រឹងមាំរបស់ក្រុម Liverpool និង Manchester City ក្នុងកម្រិតណា។ លោក Lampard បានឆ្លើយថា៖ «ស្ថិតក្នុងគម្លាតឆ្ងាយណាស់»។ លោកបានបន្ថែមទៀតថា៖ «យើងត្រូវតែមានភាពជាក់លាក់អំពីបញ្ហានោះក្នុងនាមជាក្លិបមួយ ដូចដែលក្លិបផ្សេងដែរ ពីព្រោះក្លិបទអាំងនោះ និងក្លិប Manchester City ជាពិសេស Liverpool នៅឆ្នាំនេះ បានបង្ហាញពីភាពរឹងមាំយ៉ាងខ្លាំងក្លា ដែលអាចឆ្លងផុតការងារ និងពេលវេលាលំបាក ជាមួយនឹងកីឡាករ និងគ្រូបង្វឹកដ៏អស្ចារ្យ»។
ជាមួយគ្នានេះដែល ស្រាបៀរកាស៊្បែរ ចូលរួមប្រារព្ធនូវ ជ័យជម្នះរបស់ក្លឹបបាល់ទាត់ Liverpool ក្នុងការគ្រងតំណែងជើងឯក ក្នុងក្របខណ្ឌលីកកំពូលរបស់ប្រទេសអង់គ្លេស ជាមួយនឹង “កំប៉ុងឈ្នះពានរង្វាន់” ដែលរចនាឡើងជាពិសេសក្នុងចំនួនមានកំណត់ សម្រាប់អ្នកគាំទ្រនៅក្នុង ២៥ ប្រទេសជុំវិញពិភពលោក។
កំប៉ុងស្រាបៀរកាស៊្បែរដែលរចនាថ្មីនេះ បានប្តូរពីពណ៌បៃតង ដែលជាពណ៌របស់កាស៊្បែរ ទៅជាពណ៌ក្រហមដែលជាពណ៌របស់ក្លឹបបាល់ទាត់ Liverpool។ ការរចនាកំប៉ុងថ្មីនេះ ក៏មានដាក់បញ្ចូលនូវ និមិត្តសញ្ញាហង្ស ក៏ដូចជា ហត្ថលេខារបស់កីឡាករ នៃក្លឹបបាល់ទាត់ Liverpool និងបានដាក់ពាក្យ ‘Champions, 2020 onwards’ ជំនួសឲ្យពាក្យ ‘1847 onwards’ ដែលតំណាងឲ្យបេតិកភណ្ឌរបស់ស្រាបៀរកាស៊្បែរដែលមានអាយុកាល ១៧៣ ឆ្នាំមកហើយ។
ប្រភពព័ត៌មាន៖ Channel News Asia