អង់គ្លេស៖ លោក Jurgen Klopp អ្នកចាត់ការទូទៅរបស់ក្រុម Liverpool បានបញ្ជាក់ថា ការទទួលបានឱកាសក្នុងការលើកពានក្របខ័ណ្ឌ Premier League នៅកីឡដ្ឋាន Anfield ពិតជាបានបង្កើតពិភពលោកដ៏មានន័យចំពោះរូបលោក បើទោះបីលោកត្រូវលើកពាននៅកីឡដ្ឋានដែលគ្មាអ្នកគាំទ្រ ដោយសារតែការរាតត្បាតរបស់វីរុសកូរ៉ូណា ក៏ដោយ។
ក្រុមហង្សក្រហមមួយនេះ បានបំពេញការឈ្នះពានលីកជាលើកដំបូងរបស់ខ្លួនក្នុងរយៈពេល៣០ឆ្នាំ កាលពីខែមុន ប៉ុន្តែ ត្រូវតែរង់ចាំបន្ទាប់ពីពួកគេបានយកឈ្នះក្រុម Chelsea ក្នុងលទ្ធផល ៥-៣ ក្នុងការប្រកួតចុងក្រោយនៅលើទឹកដីរបស់ពួកគេនៅរដូវកាលនេះ ទើបអាចលើកពាន Premier League ជាលើកដំបូង។ លោក Klopp បានប្រាប់បណ្តាញសារព័ត៌មាន Sky Sports ថា៖ «អ្នកអាចទាញយកសមិទ្ធផលដ៏ល្អបំផុតពីតាមដែលអ្នកអាច។ នៅថ្ងៃនេះ គ្រួសាររបស់យើង ទទួលបានការអនុញ្ញាតឲ្យនៅទីនោះ ដែលជារឿងដ៏អស្ចារ្យ។ វាមានន័យថា ពិភពលោកពិតជាអស្ចារ្យចំពោះខ្ញុំ»។
លោកបានប្រាប់បន្តថា៖ «អ្វីៗនឹងកាន់តែល្អប្រសើរ បើមានអ្នកគាំទ្រ ប៉ុន្តែ អស់រយៈពេលជាច្រើនខែមកហើយ យើងបានដឹងថា ការមានអ្នកគាំទ្រគឺជារឿងមិនអាចទៅរួចឡើយ។ កាលពីប៉ុន្មានខែមុន ខ្ញុំបានគិតថា វាមិនអាចទៅរួចឡើយក្នុងការលេងកីឡាបាល់ទាត់»។ លោកបានបន្ថែមទៀតថា៖ «ខ្ញុំមិនអាចសប្បាយចិត្តជាងនេះឡើយ វានឹងក្លាយជារឿងដ៏ល្អ ប្រសិនបើកីឡដ្ឋានពោរពេញដោយអ្នកគាំទ្រ ប៉ុន្តែ យើងមិនអាចផ្លាស់ប្តូរបានឡើយ»៕
ប្រភពព័ត៌មាន៖ Channel News Asia
