អង់គ្លេស៖ ក្រុមសេះបង្កង់ Juventus បានរងបរាជ័យដ៏មិននឹកស្មានដល់ក្នុងលទ្ធផល ២-១ នៅលើទឹកដីក្រុម Udinese កាលពីថ្ងៃព្រហស្បតិ៍ ដែលនាំឲ្យពួកគេខកខានក្នុងការបំពេញការលើកពាន Serie A ជាលើកទី៩ជាប់ៗគ្នា។
ខ្សែការពារអន្តរជាតិហូឡង់ Matthijs de Ligt បានជួយឲ្យក្រុមម្ចាស់ការពារជើងឯកមួយនេះ នាំមុខមុននៅរយៈពេល៣នាទី នៅមុនពេលសម្រាកតងទី១។ ប៉ុន្តែ ការតែតបាល់បញ្ចូលទីយ៉ាងល្អពីសំណាក់កីឡាករ Ilija Nestorovski នៅក្នុងនាទី ទី៧ នៅតង់ទី២ បានជួយឲ្យក្រុម Udinese មានគ្រាប់បាល់តាមស្មើវិញ មុននឹង Seko Fofana រកបានគ្រាប់បាល់ឈ្នះនៅនាទីបន្ថែម។ ក្រុម Juventus នៅតែនាំមុខ៦ពិន្ទុលើក្រុមឈរលេខ២ Atalanta ខណៈដែលនៅសល់ការប្រកួត៣លើកទៀត ហើយពួកគេនឹងមានឱកាសមួយផ្សេងទៀតក្នុងការបំពេញការឈ្នះពានជាលើកទី៣៦នៅលើទឹកដីខ្លួនឯង នៅពេលប្រកួតជាមួយនឹងក្រុមស្ថិតក្នុងចំណាត់ថ្នាក់លេខ៤ Sampdoria នៅថ្ងៃអាទិត្យ ខាងមុខនេះ។
ក្រុមរបស់លោក Maurizio Sarri ត្រូវការត្រឹមតែ៣ពិន្ទុទៀតប៉ុណ្ណោះ ហើយការឈ្នះពាន អាចនឹងមានភាពច្បាស់លាស់នៅថ្ងៃសៅរ៍ ដោយអាស្រ័យទៅលើលទ្ធផលពីការប្រកួតរបស់ក្រុម Atalanta, Inter Milan និង Lazio។ ប៉ុន្តែ ទម្រង់លេងរបស់ក្រុម Juventus ក្នុងពេលប្រកួតជាមួយនឹងក្រុម Udinese ហាក់កំពុងតែផ្តល់នូវការព្រួយបារម្ភ នៅមុនពេលការប្រកួតដ៏សំខាន់ក្នុង Champions League ជាមួយនឹងក្រុម Lyon នៅថ្ងៃទី៧ ខែសីហា ខាងមុខ៕
ប្រភពព័ត៌មាន៖ Channel News Asia
