អង់គ្លេស៖ លោក Maurizio Sarri បានចាត់ទុកការឈ្នះពានក្របខ័ឍណ្ឌលីកជាលើកទី១របស់លោក ជាមួយនឹងក្រុម Juventus «ដូចជាការភក្សរសជាតិបង្អែមអ៊ីចឹង» ក្រោយពីគ្រូបង្វឹកជើងចាស់រូបនេះបានជួបរដូវកាលដ៏លំបាកមួយ ក៏ដូចជាការស៊ូទ្រាំនឹងការផ្អាកអស់រយៈពេល៣ខែ ដោយសារតែវីរុសកូរ៉ូណា។
ក្រោយពីក្រុម Juventus បានបំពេញការឈ្នះពានក្របខ័ណ្ឌលីកជាលើកទី៩ជាប់ៗគ្នារបស់ពួកគេកាលពីថ្ងៃអាទិត្យ លោក Sarri បានប្រាប់អ្នកយកព័ត៌មានថា៖ «ខ្ញុំបានប្រាប់កីឡាករថា ប្រសិនបើអ្នកចង់ឈ្នះជាមួយនឹងខ្ញុំ ដែលមិនធ្លាប់បានឈ្នះអ្វីសោះ មូលហេតុគឺដោយសារតែអ្នកទាំងអស់គ្នាខ្លាំង»។ កីឡាករ Cristiano Ronaldo និង Federico Bernardeschi បានរកគ្រាប់បាល់បញ្ចូលទីដូចគ្នានៅតង់នីមួយៗ ខណៈដែលក្រុម Juventus បានផ្តួលក្រុម Sampdoria ក្នុងលទ្ធផល ២-០ ដើម្បីនាំមុខ៧ពិន្ទុដាច់លើក្រុមឈរលេខ២ Inter Milan និងដើម្បីឈ្នះពានក្របខ័ណ្ឌ Serie A ជាលើកទី៣៦ ខណៈដែលនៅសល់ការប្រកួត២លើកទៀត។
ពានរង្វាន់នេះ គឺជាពានជាលើកទី១របស់លោក Sarri វ័យ៦១ឆ្នាំ ខណៈដែល Juventus បានបន្តការឈ្នះពានជាប់ៗគ្នា បើគិតចាប់តាំងពីឆ្នាំ២០១២។ លោក Sarri ដែលពានកាលពីមុនរបស់លោកគឺពាន Europa League ជាមួយនឹងក្រុម Chelsea នោះ បានបន្ថែមទៀតថា៖ «នេះគឺជារសជាតិដ៏ផ្អែម។ ការឈ្នះពានពិតជាលំបាក ហើយក្លិបនេះ បានឈ្នះពានជាច្រើនឆ្នាំមកហើយ»៕
ប្រភពព័ត៌មាន៖ Channel News Asia
