អង់គ្លេស៖ លោក Jurgen Klopp អ្នកចាត់ការទូទៅរបស់ក្រុម Liverpool បានជាប់ជាគ្រូបង្វឹកឆ្នើមប្រចាំឆ្នាំសមាគមគ្រូបង្វឹកក្នុងក្របខ័ណ្ឌលីក កាលពីថ្ងៃចន្ទ ក្រោយពីបានដឹកនាំឲ្យក្លិបស្ថិតក្នុងតំបន់ Merseyside មួយនេះ លើកពានលីកជាលើកដំបូងរបស់ខ្លួនក្នុងរយៈពេល៣០ឆ្នាំ។ ក្រុម Liverpool របស់លោក Klopp បានឈ្នះពានក្របខ័ណ្ឌ Premier League ខណៈដែលនៅសល់៧ប្រកួតទៀត ហើយពួកគេបានបញ្ចប់រដូវកាលនេះ ដោយមាន១៨ពិន្ទុ នៅលើកំពូលតារាង។
គ្រូបង្វឹកសញ្ជាតិអាល្លឺម៉ង់រូបនេះ បានយកឈ្នះលើគ្រូបង្វឹករបស់ក្លិប Leeds United លោក Marcelo Bielsa គ្រូបង្វឹករបស់ក្លិប Wycombe Wanderers លោក Gareth Ainsworth និងម្ចាស់ពានឆ្នាំចាស់លោក Chris Wilder គ្រូបង្វឹករបស់ក្លិប Sheffield United ដើម្បីឈ្នះពាន Alex Ferguson Trophy ខណៈដែលពាននេះបានដាក់ឈ្មោះឈ បន្ទាប់ពីឈ្មោះរបស់អតីតគ្រូបង្វឹកនៃក្លិប Manchester United។ លោក Klopp បានឲ្យដឹងថា៖ «ខ្ញុំពិតជារីករាយណាស់ ក្នុងការឈ្នះពានដ៏អស្ចារ្យ Alex Ferguson Trophy នេះ ដែលបានដាក់ឈ្មោះបន្ទាប់ពីបុរសម្នាក់ដែលខ្ញុំតែងតែសរសើរជានិច្ច»។ លោកបានបន្ថែមទៀតថា៖ «រាល់អ្វីៗដែលយើងបានទទួលជោគជ័យ នៅ Liverpool ក្នុងឆ្នាំនេះ មិនអាចធ្វើឡើងដោយគ្មានក្រុមបុគ្គលិកគ្រូបង្វឹកដ៏អស្ចារ្យឡើយ ព្រោះពួកគេធ្វើឲ្យយើងមានភាពឆ្លាតវៃជាពិសេសក្នុងកីឡាបាល់ទាត់»៕
ប្រភពព័ត៌មាន៖ Channel News Asia
