បារាំង៖ ខ្សែប្រយុទ្ធឆ្នើមក្រុម Paris St-Germain កីឡាករ Kylian Mbappe នឹងខកខានការប្រកួតវគ្គ ១៦ ក្រុមចុងក្រោយពានរង្វាន់ Champions League ជាមួយក្លឹប Atalanta នៅទីក្រុង Lisbon នៅថ្ងៃទី ១២ ខែសីហា។ Mbappe សមាជិកជ័យលាភី World Cup ២០១៨ មានវ័យ ២១ ឆ្នាំបានរងរបួសកជើងអំឡុងពេលប្រកួតដណ្តើមពានរង្វាន់ French Cup វគ្គផ្តាច់ព្រ័ត្រទល់នឹង Saint-Etienne កាលពីថ្ងៃសុក្រសប្តាហ៏មុន។
គួរបញ្ជាក់ថាកំលុងពេលរងរបួស Mbappe បានចាកចេញពីទីលានទាំងទឹកភ្នែកបន្ទាប់ពីត្រូវបានខ្សែការពារក្លឹប Saint-Etienne កីឡាករ Loic Perrin ព្យាយាមរារាំងរូបគេនៅពាក់កណ្តាលតង់ទី១។
បន្ទាប់ពីបានធ្វើកោសល្យវិច្ឆ័យដោយក្រុមគ្រូពេទ្យវេជ្ជសាស្រ្តរបស់ក្លឹបកីឡាករឆ្នើមរបស់ក្រុមមាន់គកបារាំងរូបនេះមានបញ្ហាក្រោយឆ្លងកាត់ការស្កែនបានបញ្ជាក់ថាៈ រូបគេរងរបួសស្នាមជាំកជើងជាមួយនឹងការខូចខាតដល់សរសៃពួរខាងក្រៅផងដែរ។ Mbappe និងអវត្តមានមិនអាចចូលលេងបានយ៉ាងហោចណាស់៣សប្តាហ៍។ Mbappe អាចនឹងត្រឡប់មកហ្វឹកហាត់ជួយក្រុមវិញបាននៅថ្ងៃទី ១៨ ខែសីហា បើសិនជា PSG ឆ្លងផុតវគ្គ១៦ក្រុមចុងក្រោយ។ ការប្រកួតវគ្គផ្តាច់ព្រ័ត្រនិងធ្វើឡើងនៅរាជធានី Lisbon ប្រទេសព័រទុយហ្កាល់ នៅថ្ងៃទី ២៣ ខែសីហា២០២០ ខាងមុខនេះ៕
ប្រភពព័ត៍មាន៖ BBC
