បរទេស៖ លោក Kylian Mbappe បានប្រកាសពីព័ត៌មានដ៏គួរឲ្យភ្ញាក់ផ្អើលមួយកាលពីថ្ងៃចន្ទថា រូបគេបានពិភាក្សាជាមួយនឹងលោក Emmanuel Macron ជុំវិញការផ្ទេររបស់គេទៅកាន់ក្លិប Real Madrid ដោយបាននិយាយថា រូបគេសូមសម្តែងការដឹងគុណ «ចំពោះការផ្តល់ដំបូន្មានដ៏ល្អ» របស់ប្រធានាធិបតីបារាំងរូបនេះ ដែលចង់ឲ្យរូបគេបន្តនៅក្នុងប្រទេសបារាំង និងបន្តនៅជាមួយ Paris Saint-Germain។
Mbappe ដែលជាសមាជិកឈ្នះពាន World Cup កាលពីប៉ុន្មានខែមុន ទំនងដូចជាមានភាពជាក់ជាក់ក្នុងការចុះហត្ថលេខាជាមួយនឹងក្លិប Real Madrid ទៅហើយ នៅមុនពេលត្រូវបានបញ្ចុះបញ្ចូឡឲ្យបន្តកិច្ចសន្យាថ្មីរយៈពេ៣ឆ្នាំនៅក្លិប PSG ដែលជាក្លិបរូបគេបានចូលរួមក្នុងឆ្នាំ២០១៧។ ទាក់ទងនឹងការពិភាក្សាជាមួយនឹងលោក Macron កីឡាករ Mbappe បានឲ្យដឹងថា៖ «យើងបានពិភាក្សាគ្នាបន្តិច។ អ្នកអាចនិយាយថា វាគឺជាការផ្តល់ដំបូន្មានដ៏ល្អ។
គាត់ចង់ឲ្យខ្ញុំបន្តនៅ ដែលនោះគឺជាផ្នែកមួយនៃការចរចានានា»។ Mbappe បាននិយាយថា លោក Macron គឺជាមនុស្សម្នាក់ក្នុងចំណោមមនុស្សជាច្រើនដែលរូបគេបានពិភាក្សាជាមួយ។ តារាឆ្នើមរូបនេះបានបន្ថែមថា៖ «នោះគឺជាពេលដែល អ្នកមើលឃើញថា បាល់ទាត់ បានផ្លាស់ប្តូរ និងមានតួនាទីដ៏សំខាន់ក្នុងសង្គម។ វាពិតជាសំខាន់ណាស់ក្នុងការដឹងពីរបៀបក្នុងការស្ថិតនៅកន្លែងមួយ»៕
ប្រភពព័ត៌មាន៖ Channel News Asia