បរទេស៖ លោក Deschamps បានបញ្ជាក់ប្រាប់ពីស្ថានភាពកាយសម្បទារបស់ខ្សែប្រយុទ្ធឆ្នើម Kilyan Mbappe រវាងក្រុមមាន់គកបារាំងទទួលភ្ញៀវក្រុមក្រឡាអុកក្រូអាតនៅថ្ងៃអង្គារស្អែកនេះវេលាម៉ោង ១:៤៥នាទីព្រឹក បានបង្ហាញក្តីបារម្ភថាកីឡាករ PSG រូបគេនៅឡើយនៅមិនទាន់អាចចូលលេងបានពេញលេញ១០០ភាគរយនោះទេ ។
ដកស្រង់សម្តីពី AFP ដោយបានប្រាប់សន្និសីទសារព័ត៌មានមុនការប្រកួតគ្រូបង្វឹកដែលបានដឹកនាំជម្រើសជាតិលើកពានWorld Cup ២០១៨ បានបញ្ជាក់ថាៈ យើងរំពឹងថាគាត់នឹងលេងបានយ៉ាងហោចណាស់ក៏កន្លះម៉ោងក្នុងការប្រកួតចុងក្រោយនេះ។ យើងត្រូវតែប្រាកដថាយើងនិងលេងដោយប្រមូលកម្លាំងរបស់យើងទាំងអស់ដើម្បីបញ្ចប់ការប្រកួតនេះឱ្យបានល្អ និងចង់ឈ្នះក្រូអាតជាមួយ Kylian ទាំងអស់គ្នា។ ។តាមពិតទៅ Mbappe មិនបានចាប់ផ្តើមការប្រកួត១១នាក់ដំបូងណាមួយក្នុងចំណោមការប្រកួតទាំងបីរបស់បារាំងមកទល់ពេលនេះទេ។ សរុបមកគាត់លេងបាន ៧៤ នាទីក្នុង២ប្រកួត។
មានន័យថាMbappe ចូលលេងជាកីឡាករបម្រុងក្នុងការប្រកួតដំបូងព្រឹត្តិការណ៏Uefa Nation League Group១ ជាមួយដាណឺម៉ាក និងបន្តអង្គុយកៅអីបម្រុង ៩០ នាទីពេញទល់នឹងក្រូអាត ហើយបានបន្តលេងត្រឹមតែ ២៧ នាទីជាមួយអូទ្រីស៕
ប្រភពព័ត៍មាន៖ Besoccer