Chelsea រំពឹងថាខ្សែបម្រើស្លាប Willian នឹងចូលរួមជាមួយក្រុមគូប្រជែង និង ជាក្លឹបរួមទី ក្រុងឡុងដ៏គឺកាំភ្លើងធំ Arsenal ក្នុងការផ្ទេរដោយគ្មានតម្លៃខ្លួន(Free Transfer) ក្រោយពីរដូវកាល២០១៩-២០២០បានបញ្ចប់យោងតាមគេហទំព័រThe Guardian បានចុះផ្សាយ ។ កីឡាករវ័យ ៣១ ឆ្នាំសញ្ជាតិប្រេស៊ីលរូបនេះនឹង ក្លាយជាកីឡាករដែលអាចចូលរួមជាមួយក្លឹបផ្សេងៗដោយគ្មានតម្លៃខ្លួនពេលកិច្ចសន្យារបស់គេជាមួយក្លឹបតោខៀវ អស់សុពលភាពនៅខែសីហានេះ ។
ក្រុមបញ្ចប់ចំណាត់ថ្នាក់លេខ៤ Chelsea បានផ្តល់ជូន Willian នូវកិច្ចសន្យាថ្មីរយៈពេល ២ ឆ្នាំប៉ុន្តែ Willian បដិសេធមិនទាន់បានទទួលយកល័ក្ខខ័ណ្ឌថ្មីជាមួយម្ចាស់ជើងឯក Europa Leagueទេ។ទោះ យ៉ាងណារូបគេចង់បានកិច្ចសន្យារហូតដល់ទៅ៣ឆ្នាំ ដែលផ្ទុយពីគោលការណ៏របស់ក្លឹបគឺមិនចង់ផ្តល់ជូនសម្រាប់កីឡាករដែលមានវ័យលើសពី៣០ឆ្នាំនោះទេ៕
ប្រភពព័ត៍មាន៖ Goal.com
