ប្រទេសកាតា៖ លោក Xavi Hernandez អតីតតារាឆ្នើមរបស់ក្លិប Barcelona បានបញ្ជាក់កាលពីថ្ងៃពុធថា លោកបានជាសះស្បើយពីជំងឺកូរ៉ូណា ដោយបានត្រឡប់ទៅផ្ទះវិញ និងបានវិលទៅធ្វើការងាររបស់លោកក្នុងនាមជាគ្រូបង្វឹករបស់ក្លិប Al-Sadd នៃប្រទេសកាតា វិញហើយ។
នៅលើទំព័របណ្តាញសង្គម Instagram លោកបានសរសេរដោយមានរូបថតរបស់លោកកំពុងតែឱបកូនស្រីរបស់លោកថា៖ «សូមអរគុណអ្នកទាំងអស់គ្នាខ្លាំងណាស់ ចំពោះការផ្ញើសារបារម្ភទាំងអស់ ដែលខ្ញុំបានទទួលអំឡុងពេលប៉ុន្មានថ្ងៃនេះ»។ លោកបានបន្ថែមទៀតថា៖ «ខ្ញុំចង់ប្រាប់ព័ត៌មានដល់អ្នកទាំងអស់គ្នថា ខ្ញុំបានជាសះស្បើយហើយ ហើយបានវិលត្រឡប់ទៅផ្ទះ ជាមួយនឹងក្រុមគ្រួសាររបស់ខ្ញុំ និងវិលទៅក្រុម Al-Sadd វិញហើយ»។
លោក Xavi វ័យ៤០ឆ្នាំ បានប្រកាសកាលពីថ្ងៃសៅរ៍ថា លោកបានតេស្តឃើញជាវិជ្ជមានទៅលើវិរុសកូរ៉ូណា ក្រោយពីការពិនិត្យកីឡាករ និងបុគ្គលិកជាទៀងទាត់ ក្នុងក្របខ័ណ្ឌកំពូលរបស់ប្រទេសកាតា។ ប្រជាជនចំនួន៤% ក្នុងចំណោមប្រជាជនចំនួន២,៧៥លាននាក់របស់កាតា បានឆ្លងវីរុសកូរ៉ូណា ខណៈដែលករណីឆ្លងចំនួន១១.១៥៣នាក់ ត្រូវបានរកឃើញ បើគិតចាប់តាំងពីពេលចាប់ផ្តើមផ្ទុះការឆ្លងរាតត្បាត ដែលនាំឲ្យប្រទេសឈូងសមុទ្រមួយនេះ ក្លាយជាប្រទេសមួយក្នងុចំណោមប្រទេសដែលមានករណីឆ្លងសរុបខ្ពស់ជាងគេបំផុតក្នុង១ដង់ស៊ីតេប្រជាជន៕
ប្រភពព័ត៌មាន៖ Channel News Asia
