ប្រទេសអង់គ្លេស៖ ខ្សែបម្រើក្លឹបកាំភ្លើងធំ Arsenal កីឡាករ Granit Xhaka បានថ្លែងអំណរគុណដល់គ្រូបង្វឹក លោក Mikel Arteta ដែលបានផ្តល់ឱកាសអោយរូបគេគាត់ជាលើកទី ២ បានជាប់ចូលលេង ក្នុងជម្រើស១១នាក់ដំបូង បន្ទាប់ពីរូបគេស្ថិតយ៉ាងប្រកៀកក្នុងការចាកចេញពីកីឡាដ្ឋានEmirate Stadium កំលុងពេលទីផ្សារដោះដូរកីឡាករបានបើកនៅពាក់កណ្តាលរដូវកាល(ខែមករា)កន្លងទៅ។
កីឡាករអន្តរជាតិស្វីស Xhaka បានត្រៀមចាកចេញពីក្លឹបបន្ទាប់ពីរូបលោកត្រូវបានដកហូតតំណែងប្រធានក្រុមក្នុងកំលុងខែវិច្ឆិកា ក្រោយរងការ ខឹងសម្បារយ៉ាងខ្លាំងពីសំណាក់អ្នកគាំទ្របន្ទាប់ពីរូបគេមិនអាចគ្រប់គ្រងអារម្មណ៏បានក្រោយត្រូវបានប្តូរចេញអំឡុងការប្រកួតស្មើគ្នា២ទល់និង២ ជាមួយ Crystal Palace កាលពីខែធ្នូ។
ខ្សែបម្រើកណ្តាលវ័យ ២៧ ឆ្នាំរូបនេះក៏ត្រូវបានដកចេញពីបញ្ជីឈ្មោះក្នុងក្រុមសម្រាប់ការប្រកួតរហូតដល់ទៅ ៥ លើកផងដែរប៉ុន្តែទីបំផុតរូបគេបានជាប់ឈ្មោះនិងបង្ហាញខ្លួនសម្រាប់ជម្រើស១១នាក់ដំបូងឡើងវិញ បន្ទាប់ពីរយៈពេល ៨ ខែក្រោយមកទៀត។
ប្រភពព័ត៍មាន៖ Goal