បរទេស៖ Emmanuel Frimpong អតីតកីឡាករកាំភ្លើងធំ Arsenal បានបញ្ចេញមតិក្នុងន័យនិយាយលេងសើចឌឺដងដល់អតីតក្រុមចាស់របស់ខ្លួន ដែលចាញ់ក្រុមភ្ញៀវBurnley ១ទល់់និង០ នៅទឹកដី Emirate Stadium កាលពីយប់ថ្ងៃអាទិត្យម្សិលមិញនេះ។បរាជ័យនេះនាំអោយ Arsenalឈរនៅចំណាត់ថ្នាក់ទី ១៥ និងមានគម្លាតពីក្រុមកំពូលតារាង Tottenham ដល់ទៅ១២ពិន្ទុផងដែរ។
Frimpong កីឡាករអន្តរជាតិហ្គាណាធ្លាប់ចំណាយពេល១៣ឆ្នាំជាមួយក្លឹបមុនពេលផ្លាស់ទៅ Barnsley ក៏បានបានអំពាវនាវឱ្យក្លឹបលក់ ចេញអតីតប្រធានក្រុម Granit Xhaka និងចុះហត្ថលេខាផ្ទេរយក រូបគេមករួមក្រុមដោយ គ្មានតម្លៃខ្លួន បន្ទាប់ពីក្រុមលោក Mikel Arteta បរាជ័យ ក្នុងការប្រកួតលើក ដំបូងរបស់ពួកគេចំពោះមុខអ្នកគាំទ្រចាប់តាំងពីខែមីនាក្រោយការរីករាលដាលនៃមេរោគកូវីត-១៩ ។
ការលើកឡើងរបស់ Frimpong បន្ទាប់ពី Granit Xhaka បានបង្កកំហុសថ្មីមួយបន្ថែមទៀត ក្រោយមានជំលោះលើសមភាគី និងបានច្របាច់កកីឡាករ Ashley Westwood បន្ទាប់ពីអាជ្ញា កណ្តាលសម្រេចផ្តល់កាតលឿង។ តែទីបំផុតក៏បន្តផ្តល់កាត ក្រហមក្រោយត្រួពិនិត្យលើកំហុសកីឡាករ អន្តរជាតិស្វីសរូបនេះតាម VAR មុនពេលប្រធានក្រុម Pierre-Emerick Aubameyang តែតបាល់ ក្នុងន័យការពារតែធ្វើអោយចូល ទីខ្លួនឯងនៅនាទីទី៧៣ ដែលជាជ័យជំនះដល់ក្រុមភ្ញៀវ៕
ប្រភពព័ត៍មាន៖ Goal