ប្រទេសបារាំង៖ Paris St-Germain បានផ្តួលគូប្រជែង Lyon ដោយបាល់ប៉េណាល់ទីក្នុងវគ្គផ្តាច់ព្រ័ត្រនៃពានរង្វាន់ French League Cup ក្រោយចប់ការថែមម៉ោង១៥នាទីមិនមានក្រុមណាស៊ុតបញ្ចូលទីគ្នានោះទេ។ ប៉ុន្តែការកាត់សេចក្តីដោយបាល់ប៉េណាំងទី បានអូសបន្លាយមិនទាន់រកឃើញក្រុមឈ្នះបន្ទាប់ពីបាល់កាត់សេចក្តីប៉េណាល់ទី ១០ គ្រាប់ដំបូងត្រូវបានស៊ុតបញ្ចូលទីរវាងក្រុមទំាងពីរអ្នកចាំទីរបស់ក្រុម PSG កីឡាករ Keylor Navas បានជួយសង្គ្រោះបាល់ពីការស៊ុតរបស់ខ្សែបម្រើ-ប្រយុទ្ធ Bertrand Traore មុនពេល Pablo Sarabiaស៊ុតគ្រាប់ជ័យជំនះអោយក្រុមលោក Thomas Tuchel។ វាជាជ័យជំនះដើម្បីដណ្តើមបានពានរង្វាន់ក្នុងស្រុកនេះលើកទី ៤ជាប់គ្នា ក្នុងរយៈពេល ៦ ឆ្នាំចុងក្រោយរបស់ម្ចាស់ជើងឯកLigue-១។
គួរបញ្ជាក់ថាការប្រកួតនេះមានអ្នកចូលរួមទស្សនាប្រមាណ ៥,០០០ នាក់នៅឯកីឡាដ្ឋានជាតិបារាំង Stade de France ។ព្រឹត្តការណ៏នេះជាការប្រកួតក្នុងស្រុកលើកទី ២ សម្រាប់លីកអាជីពបារាំង ចាប់តាំងពីក្របខណ្ឌ Ligue ១ ត្រូវបានលុបចោលនៅ ខែមេសា មុនពេល PSG បានយកឈ្នះ Saint-Etienne ១-០ កាលពីថ្ងៃសុក្រសប្តាហ៍មុនក្នុងវគ្គផ្តាច់ព្រ័ត្រ French Cup ។
បច្ចុប្បន្ននេះLyonកំពុងប្រឈមរដូវកាលដំបូងបំផុត ដោយមិនមានឈ្នះពានអ្វីសោះក្រោយខកខាននៅចាប់តាំងពីរដូវកាល ១៩៩៦-១៩៩៧ លើកលែងតែពួកគេឈ្នះ Champions League រដូវកាលនេះ។ពួកគេនឹងធ្វើដំណើរទៅសួរសុខទុក្ខ Juventus នៅថ្ងៃសុក្រសប្តាហ៍ក្រោយក្នុងវគ្គ ១៦ ក្រុមចុងក្រោយពានរង្វាន់Champion League បន្ទាប់ពីជើងទី១ពួកគេមានប្រៀបក្រោយផ្តួលម្ចាស់ជើងឯកSerieA ១ទល់និង០ ស្របពេលPSG ក៏និងត្រូវជួបជាមួយAtalanta ថ្ងៃពុធទី ១២ ខែសីហាផងដែរ ។
សម្រាប់រដូវកាលថ្មី២០២០-២០២១ក្របខណ្ឌ Ligue ១ និងចាប់ផ្តើមធ្វើការប្រកួតនៅថ្ងៃទី ២៣ ខែសីហា២០២០ដែលជាថ្ងៃតែមួយនៃការប្រកួតវគ្គផ្តាច់ព្រ័ត្រក្របខ័ណ្ឌ Champion League ផងដែរ។
ប្រភពព័ត៍មាន៖ BBC