ប្រទេសអង់គ្លេស៖ ខ្សែប្រយុទ្ធ Pierre-Emerick Aubameyang របស់ក្រុមកាំភ្លើងធំ Arsenal បានបន្តបញ្ចេញសមត្ថភាពដ៏អស្ចារ្យ របស់ខ្លួនសាជាថ្មីម្តងទៀតនៅកីឡាដ្ឋាន Wembley ខណៈដែលពួកគេធ្វើការវាយបកផ្តួលគូប្រជែងតោខៀវ Chelsea ដើម្បីឈ្នះពានប្រវត្តិសាស្រ្តនិង ជាពានដ៏ចំណាស់របស់អង់គ្លេសគឺ FA Cup ជាលើកទី ១៤ កាលពីយប់ថ្ងៃសៅរ៏ម្សិលមិញនេះ។
Chelsea មានឪកាសនាំមុខនៅក្នុងការប្រកួតវគ្គផ្តាច់ព្រ័ត្រនេះត្រឹម ៥ នាទីដំបូង ក្រោមថ្វីជើងខ្សែប្រយុទ្ធ និងជាប្រធានក្រុមជម្រើសជាតិអាមេរិកកីឡាករ Christian Pulisic ប៉ុន្តែ Aubameyang ដែលជាវីរៈបុរសជួយ Arsenal ឡើងមកវគ្គផ្តាច់ព័ត្រ តាមរយៈផ្តួល Man City នៅវគ្គពាក់កណ្តាលផ្តាច់ព្រ័ត្រនោះក៏បន្តរកបាន២គ្រាប់បន្ថែម ទៀតនៅវគ្គផ្តាច់ព្រ័ត្រនេះ។
គួរបញ្ជាក់ថាខ្សែប្រយុទ្ធសញ្ជាតិហ្គាបុងរូបនេះមានឪកាសរកបានគ្រាប់បាល់ពិន័យ១១ម៉ែត្រនៅនាទីទី២៨ បន្ទាប់ពីប្រធានក្រុម Chelsea កីឡាករ Cesar Azpilicueta ធ្វើអោយរូបគេដួលក្នុងតំបន់គ្រោះថ្នាក់ មុនពេលបន្ថែមគ្រាប់បាល់ទី២ដោយឆ្កឹះផុតដៃអ្នកចាំទីអាហ្សង់ទីនWilli Caballero នៅនាទីទី៦៧តង់ទី២ បន្ទាប់ពីការប៉ះទង្គិចរវាងខ្សែបម្រើLucas Torreira និងខ្សែការពារEriksen។ ក្រោយត្រូវArsenal នាំមុខ ក្រុមរបស់គ្រូបង្វឹកFrank Lampardមិនអាចធ្វើការវាយបកតាមស្មើវិញ ព្រមទាំងសល់គ្នាលេងតែ១០នាក់បន្ទាប់ពីខ្សែបម្រើMateo Kovacicរារាំងដោយខុសបច្ចេកលើកីឡាករXhaka។បញ្ចប់ ការប្រកួតArsenal២:១Chelsea ។
អ្នចចាត់ការទូទៅ Mikel Artetaបានឈ្នះពានជាលើកទី១ នៅរដូវកាលដំបូងរបស់គាត់ក្នុងនាមគ្រូបង្វឹកតែផ្ទុយ ទៅវិញជារឿងឈឺចាប់ និង សោកស្តាយសម្រាប់លោកFrank Lampardក្នុងរដូវកាលដំបូងរបស់លោកផងដែរ ។Arsenalក៏បានកក់កៅអីដ៏សំខាន់សម្រាប់ការប្រកួតព្រឹត្តការណ៏Europa League នៅរដូវកាលក្រោយ បន្ទាប់ ពីជ័យជំនះដ៏ត្រចះត្រចង់នេះ៕
ប្រភពព័ត៍មាន៖ BBC