ប្រទេសអង់គ្លេស៖ ក្លិប Manchester City បានប្រកាសពីការចុះហត្ថលេខាជាមួយនឹងខ្សែបម្រើស្លាប Ferran Torres របស់ក្លិប Valencia ក្នុងកិច្ចសន្យារយៈពេល៥ឆ្នាំ។
កីឡាករវ័យ២០ឆ្នាំរូបនេះ បានចុះហត្ថលេខារយៈពេល៥ឆ្នាំ សម្រាប់ការផ្ទេរក្នុងតម្លៃខ្លួន២០,៩លានផោន (ស្មើ២៧លានដុល្លារអាមេរិក)។ Torres បានឲ្យដឹងក្នុងសេចក្តីថ្លែងការណ៍មួយដែលត្រូវបានចេញផ្សាយដោយក្លិបរបស់ក្របខ័ណ្ឌ Premier League ថា៖ «ខ្ញុំពិតជារីករាយណាស់ដែលបានចូលរួមជាមួយនឹងក្លិប Man City។ គ្រប់គ្រងកីឡាករទាំងអស់ចង់ចូលរួមក្នុងក្រុមដែលផ្តោតលើការប្រយុទ្ធ ហើយ Manchester City គឺជាក្រុមមួយក្នុងចំណោមក្រុមដែលមានតំបន់ប្រយុទ្ធមុតស្រួចបំផុត ក្នុងពិភពកីឡាបាល់ទាត់»។ លោក Guardiola ចង់ពង្រឹងក្រុមរបស់លោក ក្រោយពីបានបាត់បង់ពាន Premier League របស់ខ្លួន ក្រោមស្នាដៃក្រុម Liverpool ខណៈដែលពួកគេក៏យល់ព្រមលើតម្លៃខ្លួន៤១លានផោន ដើម្បីទិញខ្សែការពារ Nathan Ake ពីក្លិប Bournemouth ផងដែរ។
លោក Txiki Begiristain ប្រធានផ្នែកកីឡាបាល់ទាត់នៅ Man City បានឲ្យដឹងថា៖ «យើងបានតាមដានការវិវឌ្ឍរបស់ Ferran យ៉ាងយកចិត្តទុកដាក់ និងបានបង្ហាញពីកម្រិតលេងដ៏គួរឲ្យចាប់អារម្មណ៍»៕
ប្រភពព័ត៌មាន៖ Channel News Asia
