បរទេស៖ ម្ចាស់ថ្មីរបស់ក្លិប Chelsea កំពុងតែត្រៀមខ្លួនរួចរាល់ ដើម្បីទិញកីឡាករដំបូងរបស់ពួកគេ ក្រោយពីយល់ព្រមលើតម្លៃខ្លួនដែលមានតម្លៃខ្លួនរហូត៥០លានផោន (ស្មើនឹង៦០,១១លានដុល្លារអាមេរិក) ជាមួយនឹងក្លិប Manchester City ដើម្បីទិញយក Raheem Sterling។ ខ្សែបម្រើស្លាបអន្តរជាតិអង់គ្លេសរូបនេះ បានយល់ព្រមលើលក្ខខណ្ឌផ្ទាល់ខ្លួនក្នុងកិច្ចសន្យារយៈពេល៥ឆ្នាំ ជាមួយនឹងជម្រើសក្នុងការបន្តរយៈពេល១ឆ្នាំទៀត។
ក្លិប Chelsea ដែលនឹងធ្វើឲ្យ Sterling ក្លាយជាអ្នកទទួលបានចំណូលច្រើនជាងគេ តាមរយៈការផ្តល់ឲ្យពួកគេនូវកិច្ចសន្យាដែលផ្តល់ចំណូល៣០ម៉ឺនផោន ក្នុង១សប្តាហ៍ នឹងបំពេញការចុះហត្ថលេខា នៅពេលដែលកីឡាករវ័យ២៧ឆ្នាំរូបនេះ ឆ្លងផុតការពិនិត្យសុខភាព។ ការផ្ទេរនេះ នឹងផ្តល់នូវការជឿជាក់ដ៏ធំមួយសម្រាប់សហម្ចាស់ក្លិប Chelsea គឺលោក Todd Boehly ដែបានចូលកាន់តំណែងជាបណ្តោះអាសន្នផ្នែកទិញចូលកីឡាករ។
លោក Thomas Tuchel ចង់ធ្វើការពង្រឹងតំបន់ប្រយុទ្ធរបស់លោក និងចាត់ទុក Sterling ជាគោលដៅចម្បង នៅរដូវក្តៅនេះ។ លោក Tuchel ចង់បានភាពមុតស្រួចបន្ថែមទៀត ក្នុងតំបន់ប្រយុទ្ធ ហើយលោកបានរៀបចំកិច្ចពិភាក្សាប្រកបដោយភាពវិជ្ជមានជាមួយនឹង Sterling អំពីតំបន់ដែលរូបគេនឹងស័ក្កសមលេងនៅ Chelsea ដែលក៏កំពុងពិភាក្សាជាមួយនឹង Man City លើការនាំមុខខ្សែការពារអន្តរជាតិហូឡង់ Nathan Aké ផងដែរ៕
ប្រភពព័ត៌មាន៖ The Guardian