ប្រទេសអង់គ្លេស៖ លោក Ole Gunnar Solskjaer បានបញ្ជាក់ថា ការឈ្នះពានក្របខ័ណ្ឌ Europa League អាចនឹងក្លាយជាជំហានមួយឆ្ពោះទៅកាន់យុគសម័យកាលថ្មីនៃជ័យជម្នះសម្រាប់ក្រុម Manchester United។
Man United បានបញ្ចប់ចំណាត់ថ្នាក់លេខ៣ នៅលើតារាងក្របខ័ណ្ឌ Premier League ក្រោយពីទទួលចំណាត់ថ្នាក់ដ៏ខ្ពស់ នៅក្នុងរដូវកាលមួយដែលត្រូវបានផ្អាកដោយសារតែវីរុសកូរ៉ូណា ហេតុនេះ មានន័យថា ពួកគេនឹងវិលទៅកាន់ក្របខ័ណ្ឌ Champions League នារដូវកាលក្រោយ។ ក្លិបមានមូលដ្ឋាននៅកីឡដ្ឋាន Old Trafford មួយនេះ កំពុងតែមានភាគរយខ្ពស់ក្នុងការឈានទៅវគ្គ៨ក្រុមចុងក្រោយនៃក្របខ័ណ្ឌ Europa League នៅរាត្រីនេះ ក្រោយពីបានឈ្នះការប្រកួតជើងទី១នៃវគ្គ១៦ក្រុមចុងក្រោយរបស់ពួកគេ លើក្រុមអូទ្រីស LASK ក្នុងលទ្ធផល ៥-០ កាលពីខែមីនា។ លោក Solskjaer បានបញ្ជាក់ថា ការឈ្នះពានជាលើកដំបូង ក្រោមការដឹកនាំរបស់លោក នឹងក្លាយជាជំនួយដ៏ធំទៅលើស្មារតីនៃការទទួលជ័យជម្នះ។ ក្នុងសន្និសីទមុនពេលការប្រកួតកាលពីថ្ងៃអង្គារ គ្រូបង្វឹកសញ្ជាតិន័រវែសរូបនេះបានឲ្យដឹងថា៖ «អ្នកអាចមើលឃើញហើយ។
នៅពេលដែលលោក Alex (Ferguson) ឈ្នះពាន Premier League ជាលើកទី១ នោះគឺជាការចាប់ផ្តើមយុគសម័យកាល Premier League។ ជ័យជម្នះបានបន្តជាមួយនឹងពាន FA Cup (ឆ្នាំ១៩៩០)»៕
ប្រភពព័ត៌មាន៖ AFP