ប្រទេសអាល្លីម៉ង់៖ លោក Uli Hoeness ប្រធានកិត្តិយសរបស់ក្លិប Bayern Munich បានបញ្ជាក់ថាម្ចាស់ជើង ឯកក្របខ័ណ្ឌ Bundesliga នឹងមិនប្រជែងដេញថ្លៃចុះហត្ថលេខាខ្សែប្រយុទ្ធឆ្នើម Kai Havertz របស់ក្លឹប Bayer Leverkusen នៅរដូវក្តៅនេះទេ។ Havertz កីឡាករអន្តរជាតិអាឡឺម៉ង់ រូបនេះបានបង្ហាញទម្រង់លេចលេចធ្លោ និង គួរអោយកោតសរសើរពីក្លឺបធំៗនៅទ្វីបអឺរ៉ុប បន្ទាប់ពី នៅក្នុងអំឡុងយុទ្ធនាការលីកកំពូលអាឡឺម៉ង់រដូវកាល ២០១៩-២០២០ កីឡាករមាន វ័យត្រឹមតែ ២១ ឆ្នាំរូបនេះស៊ុតបាល់បញ្ចូលទីបាន ១២ គ្រាប់និងចែកបាល់អោយមិត្តរួមក្រុម ស៊ុតបញ្ចូលទី ៦ ដង ។
ក្លឹបតោខៀវChelsea ដែលកំពុងនាំមុខក្នុងការចរចារនេះ មានភាគរយខ្ពស់ សម្រាប់ការប្រជែង ចុះហត្ថលេខានេះខណៈ លោក Hoeness បានសារភាពថា Bayern Munich និងមិនបន្តការចាយប្រាក់ធំដើម្បីផ្ទេរយកHavertz បន្ថែមទៀតនោះទេបន្ទាប់ពីក្លឹបបានចំណាយប្រាក់ដល់ទៅ ៤០ លានផោនលើការនាំយកខ្សែបម្រើ Leroy Sane ពីMan.City កាលពីពេលថ្មីៗនេះ ។ទោះបីជាយ៉ាងនេះក្តី លោកHoeness បានបន្តថាៈ យើងដឹងថាគាត់ជាកីឡាករល្អម្នាក់ ក៏ប៉ុន្តែប្រសិនយើងមិន លក់កីឡាករចេញខ្លះនោះទេ យើងនិងមិនមានហិរញ្ញវត្តុដើម្បីទិញគាត់ទេ។
Havertz នៅសល់កិច្ចសន្យា ២ ឆ្នាំទៀតប៉ុណ្ណោះ ជាមួយ Leverkusen ខណៈក្រុមរបស់ពួកគេនឹងត្រូវជួបជាមួយជើងខ្លាំងស្កុតឡែនគឺ Rangers ក្នុងការប្រកួតជើងទី ២ ក្របខណ្ឌ Europa League វគ្គ ១៦ ក្រុមចុងក្រោយនៅថ្ងៃព្រហស្បតិ៍នេះ៕
ប្រភពព័ត៍មាន៖ Sportsmole