បរទេស៖ ខ្សែបម្រើ Kai Havertz នឹងត្រូវចូលរួមជាមួយនឹងក្លិប Chelsea ស្របពេលដែលខ្សែប្រយុទ្ធ Kevin Volland កំពុងតែមានភាពជាក់លាក់ក្នុងការចុះហត្ថលេខាជាមួយនឹងក្លិប Monaco។
នេះបើយោងទៅតាមការបញ្ជាក់របស់លោក Peter Bosz គ្រូបង្វឹកនៃក្រុម Bayer Leverkusen កាលពីថ្ងៃចន្ទ។ លោក Bosz បាននិយាយថា លោកមិនរំពឹងទុកថា លោកនឹងវិលទៅដឹកនាំក្រុមវិញឡើយ ក្រោយពីការសម្រាកសម្រាប់ការប្រកួតអន្តរជាតិ នៅមុនពេលបន្ថែមថា៖ «នៅក្នុងកីឡាបាល់ទាត់ នៅចុងបញ្ចប់ការបរាជ័យអាចតែងតែកើតឡើង»។
Havertz វ័យ២១ឆ្នាំ គឺជាខ្សែបម្រើប្រយុទ្ធដ៏ឆ្នើមម្នាក់ ដែលបានបង្ហាញខ្លួនជាអន្តរជាតិជាលើកដំបូងរបស់គេ កាលពី២ឆ្នាំមុន និងត្រូវបានចាត់ទុកថា ជាកីឡាករវ័យក្មេងដ៏ឆ្នើមបំផុតម្នាក់នៅធអាល្លឺម៉ង់។ លោក Boszសញ្ជាតិហូឡង់ ដែលក្រុមរបស់លោកបានខកខានក្នុងការឈ្នះកៅអីទៅលេងក្នុងក្របខ័ណ្ឌ Champions League តាមរយៈការបញ្ចប់ក្នុងចំណាត់ថ្នាក់លេខ៥ នៅលើតារាង Bundesliga នោះ បានឲ្យដឹងថា៖ «និយាយឲ្យត្រង់ទៅ ការពិភាក្សាផ្សេងៗកំពុងបន្តអស់រយៈពេលជាយូរហើយ ហើយខ្ញុំគិតថា ឱកាសនៃការចាកចេញរបស់ Kai ច្រើនជាងការបន្តនៅ»។
នៅមុនពេលវិបត្តិវីរុសកូរ៉ូណា ក្លិប Leverkusen បានទាមទារតម្លៃខ្លួន១០០លានអឺរ៉ូ (ស្មើនឹង១២០លានដុល្លារអាមេរិក) សម្រាប់ Havertz ប៉ុន្តែ បណ្តាញសារព័ត៌មានអង់គ្លេស បានចេញផ្សាយថា ក្លិប Chelsea បានយល់ព្រមលើតម្លៃខ្លួន៧២លានផោន (ស្មើនឹង៩៦លានដុល្លារអាមេរិក)៕
ប្រភពព័ត៌មាន៖ Channel News Asia