ប្រទេសអង់គ្លេស៖ លោក Pep Guardiola បានបញ្ជាក់ថា ក្រុម Manchester City ចង់បង្ហាញពីកម្រិតលេងរបស់ខ្លួន នៅពេលដែលពួកគេជួបជាមួយនឹងក្រុម Real Madrid ក្នុងការប្រកួតក្របខ័ណ្ឌ Champions League ដែលត្រូវបានពន្យារពេលរបស់ពួកគេ នៅរាត្រីនេះ និងជឿជាក់ថា ក្រុមរបស់លោកត្រៀមរួចរាល់ហើយដើម្បីជួបជាមួយនឹងក្រុមម្ចាស់ជើងឯក១៣សម័យកាលមួយនេះ។
Man City នឹងធ្វើជាម្ចាស់ផ្ទះទទួលក្រុម Zinedine Zidane ក្នុងការប្រកួតជើងទី២នៃវគ្គ១៦ក្រុមចុងក្រោយ ក្រោយពីបានយកឈ្នះ ២-១ ពីការប្រកួតជើងទី១នៅកីឡដ្ឋាន Bernabeu កាលពីខែកុម្ភៈ។ ក្រុមរបស់ក្រុម Guardiola បានបាត់បង់ពានក្របខ័ណ្ឌ Premier League របស់ពួកគេ ក្រោមស្នាដៃក្រុម Liverpool ប៉ុន្តែ នៅតែមានឱកាសក្នុងការបញ្ចប់រដូវកាលនេះ តាមរយៈការក្លាយជាក្រុមម្ចាស់ជើងឯកទ្វីបអឺរ៉ុប ជាលើកទី១។ ក្នុងសន្និសីទសារព័ត៌មានមុនការប្រកួតកាលពីថ្ងៃព្រហស្បតិ៍ គ្រូបង្វឹករបស់ក្រុម Man City បានឲ្យដឹងថា៖ «យើងចង់លេងការប្រកួតផ្ទាល់របស់យើង។ យើងចង់បង្ហាញពីកម្រិតលេងរបស់យើងក្នុងការប្រកួតនេះ ដោយយើងលេងនៅតំបន់ការពារ ឬការវាយសម្រុករហ័ស ឬក៏ក្រុម Real Madrid វាយសម្រុករហ័សវិញ»។
លោក Guardiola បានបន្ថែមទៀតថា៖ «អ្វីដែលយើងចង់ព្យាយាម និងធ្វើ គឺយកការប្រកួតនេះ ទៅគាន់កន្លែងជាក់ស្តែងនៅលើទីលាន ដែលជាកន្លែងយើងអាចនឹងផ្តល់ការឈឺចាប់ដល់ក្រុម Real Madrid និងជាកន្លែងដែលយើងអាចបង្ហាញពីគុណភាពកីឡាកររបស់យើង»៕
ប្រភពព័ត៌មាន៖ Channel News Asia